നയപ്രഖ്യാപന പ്രസംഗം, നയരാഹിത്യത്തിന്റെ പ്രഖ്യാപനമെന്ന വിമര്ശനവുമായി പ്രതിപക്ഷം. കേന്ദ്രസര്ക്കാര് സംസ്ഥാനത്തോട് സ്വീകരിക്കുന്ന സമീപനവുമായി ബന്ധപ്പെട്ട് കാര്യങ്ങളില് മൗനം പാലിച്ചെന്ന് പ്രതിപക്ഷനേതാവ് പിണറായി വിജയന് പറഞ്ഞു.
കേന്ദ്ര സര്ക്കാര് സംസ്ഥാനത്തോട് സ്വീകരിക്കുന്ന സമീപനവുമായി ബന്ധപ്പെട്ട് കാര്യങ്ങള് നയപ്രഖ്യാപനത്തില് ഇല്ലെന്ന് പ്രതിപക്ഷ നേതാവ് ചൂണ്ടിക്കാട്ടി. പറയേണ്ടത് പറയാതെ ഇരുന്നിട്ടുണ്ട്. കേന്ദ്രത്തില്നിന്ന് ചോദിച്ചു വാങ്ങേണ്ട കുറെ കാര്യങ്ങളുണ്ട്. അതിലെല്ലാം മൗനം പാലിച്ചു. സംസ്ഥാനത്തിന് അര്ഹതപ്പെട്ടതും അവകാശപ്പെട്ടതുമായ കാര്യങ്ങള് നഷ്ടപ്പെടാന് ഇടയാക്കി. കൃത്യമായ കാഴ്ചപ്പാടില്ലാത്ത പ്രഖ്യാപനമാണിത്. യുഡിഎഫ് പുറത്തിറക്കിയ പ്രകടനപത്രിയില് നിന്ന് ഒളിച്ചോടുന്ന നയപ്രഖ്യാപനം. കേരളത്തിന്റെ വികസനത്തെ പുറകോട്ട് അടിക്കുമോ എന്ന് ആശങ്ക ഉയര്ത്തുന്നു. ജനങ്ങള്ക്ക് ആശ്വാസകാര്യമായ നടപടികള് തകര്ക്കുന്നതിന് ഈ സമീപം ഇടയാക്കുന്നു എന്ന് ആശങ്കയുണ്ട്. എല്ലാ സാമ്പത്തിക ഉത്തരവാദിത്തത്തിില് നിന്നും ഒളിച്ചോടുന്ന
സമീപനമാണുണ്ടായത് – അദ്ദേഹം പറഞ്ഞു.
