പാലക്കാട് വീണ്ടും എച്ച്1 എന്1 മരണം. കരിമ്പുഴ എളമ്പുലാശേരി സ്വദേശി എഴുപത്തിയേഴുകാരന്റെ മരണം എച്ച്1 എന്1 ബാധിച്ചാണെന്ന് സ്ഥിരീകരിച്ചു. പനിയെ തുടര്ന്ന് ദിവസങ്ങള്ക്ക് മുമ്പാണ് പെരിന്തല്മണ്ണയിലെ സ്വകാര്യ ആശുപത്രിയില് പ്രവേശിപ്പിച്ചത്. പകര്ച്ചവ്യാധി വ്യാപനത്തിനുശേഷം എച്ച്1 എന്1 ബാധിച്ചുള്ള ജില്ലയിലെ രണ്ടാമത്തെ മരണമാണ്. പാലക്കാട് ജില്ലയില് ഡെങ്കിപ്പനി ബാധിച്ച് ഈ മാസം നാലുപേര് മരിച്ചിരുന്നു.
അതേസമയം, സംസ്ഥാനത്ത് ഒരാള്ക്ക് കൂടി ഷിഗെല്ല രോഗം സ്ഥിരീകരിച്ചു. കോഴിക്കോട് ജില്ലയിലാണ് രോഗം സ്ഥിരീകരിച്ചത്. ഈ മാസം 166 പേര്ക്ക് രോഗബാധയുണ്ടായി. ആറു മരണവും റിപ്പോര്ട്ട് ചെയ്തിട്ടുണ്ടെന്ന് ആരോഗ്യവകുപ്പ് മന്ത്രി കെ മുരളീധരന് പറഞ്ഞു. പുതിയ നിപ കേസുകള് ഒന്നും റിപ്പോര്ട്ട് ചെയ്തിട്ടില്ലെന്ന് മന്ത്രി പറഞ്ഞു. വാര്ത്താക്കുറിപ്പിലൂടെയാണ് മന്ത്രിയുടെ പ്രതികരണം.
