വടക്കാഞ്ചേരി :വാഴക്കോട് പ്ലാഴി സംസ്ഥാന പാതയിൽ സ്കൂട്ടർ തോട്ടിലേക്ക് മറിഞ്ഞ് യുവാവിന് ദാരുണാന്ത്യം.
വാക്കാഞ്ചേരി.വാഴക്കോട് പ്ലാഴി സംസ്ഥാന പാതയിൽ ചേലക്കോട് സെൻ്ററിന് 300 മീറ്റർ അകലെ ഇന്നലെ അർദ്ധരാത്രിയോടെ നിയന്ത്രണം വിട്ട സ്കൂട്ടർ പാതയോരത്തെ തോട്ടിലേക്ക് മറിഞ്ഞ് വെങ്ങാനെല്ലൂർ സ്വദേശി മിഥുൻ (28) മരണപ്പെട്ടു.
ചേലക്കര ഭാഗത്തുനിന്നും പഴയന്നൂർ ഭാഗത്തേക്ക് പോവുകയായിരുന്ന മിഥുനാണ് അപകടത്തിൽ പെട്ടത്. 7th Day ആശുപത്രിയിൽ കഴിയുന്ന സഹപ്രവർത്തകൻ രാഹുലിനെ സന്ദർശിക്കാൻ രാഹുലിന്റെ ഉടമസ്ഥതയിലുള്ള സ്കൂട്ടറിൽ സഞ്ചരിക്കുമ്പോഴാണ് അപകടം സംഭവിച്ചത്.
രാത്രികാല പട്രോളിംഗ് നടത്തിയിരുന്ന പോലീസ് സംഘത്തെ മറ്റൊരു കാർ യാത്രികനാണ് അപകടവിവരം അറിയിച്ചത്. ഉടൻതന്നെ നാട്ടുകാരും പോലീസും ചേർന്ന് മിഥുനെ ചേലക്കര താലൂക്ക് ആശുപത്രിയിലും തുടർന്ന് ജീവോദയ ആശുപത്രിയിലും എത്തിച്ചെങ്കിലും ജീവൻ രക്ഷിക്കാനായില്ല.
മൃതദേഹം നിലവിൽ ജീവോദയ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.
