കുറ്റിപ്പുറത്ത് സ്വകാര്യ ആശുപത്രിയിൽഅബോധാവസ്ഥയിൽ കണ്ടെത്തിയ കോതമംഗലം സ്വദേശിയായ നേഴ്‌സ് മരിച്ചു.
കുറ്റിപ്പുറം: സ്വകാര്യ ആശുപത്രിയിൽ അബോധാവസ്ഥയിൽ കണ്ടെത്തിയ ജീവനക്കാരിയായ നേഴ്‌സ് മരിച്ചു.
കോതമംഗലം സ്വദേശിയായ അമീന (20) യാണ് മരിച്ചത്. ഞായറാഴ്ച വൈകുന്നേരമാണ് ആശുപത്രിയിലെ ഒരു മുറിയിൽ അമീനയെ അബോധാവസ്ഥയിൽ കണ്ടെത്തിയത്.അമിതമായി ഗുളികകൾ കഴിച്ചാണ് അബോധാവസ്ഥയിലായതെന്നാണ് വിവരം. കോട്ടക്കലിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും രാത്രിയോടെ മരണം സംഭവിക്കുകയായിരുന്നു. അസ്വാഭാവിക മരണത്തിന് കേസെടുത്ത് പൊലീസ് അന്വേഷണം തുടങ്ങി.മൃതദേഹം നടപടിക്രമങ്ങൾ പൂർത്തിയാക്കി ബന്ധുക്കൾക്ക് വിട്ട്കൊടുക്കും.
