കാറിൽ ഒളിപ്പിച്ച് കൊണ്ടുവന്ന മയക്കുമരുന്നുമായി തൃത്താല ആലൂർ സ്വദേശികളായ മുഹമ്മദാലി @ ബാബു (43)യും സനൽ (35)യും പിടിയിലായതായി പോലീസ് അറിയിച്ചു. മയക്കുമരുന്ന് കടത്താൻ ഉപയോഗിച്ച കാർ പിടിച്ചെടുത്തിട്ടുണ്ട്.
തൃത്താല, ആലൂർ, കൂറ്റനാട്, പടിഞ്ഞാറങ്ങാടി, പരുതൂർ എന്നിവിടങ്ങളിലാകെ സജീവമായ മയക്കുമരുന്ന് വിതരണ വലയത്തിലെ പ്രധാന കണ്ണികളാണ് ഇവരെന്ന് അന്വേഷണത്തിൽ വ്യക്തമായി. ലഹരിമരുന്നിന്റെ ഉറവിടവും പിന്നിൽ പ്രവർത്തിക്കുന്ന സംഘവും കണ്ടെത്തുന്നതിനായി അന്വേഷണം കൂടുതൽ ശക്തമാക്കിയിട്ടുണ്ട്.
പരിശോധനയ്ക്ക് നേതൃത്വം നൽകിയ തൃത്താല പോലീസ് സംഘത്തോടൊപ്പം ജില്ലാ ലഹരി വിരുദ്ധ വിഭാഗത്തിലെ ഉദ്യോഗസ്ഥരും ചേർന്ന് നടത്തിയ സംയുക്തമായാണ് നടപടി.
