തൃശ്ശൂർ അക്കരപ്പുറത്ത് ബൈക്കില്‍ നിന്ന് വീണ് പൊലീസ് ഉദ്യോഗസ്ഥൻ മരിച്ചു. ലഹരി വിരുദ്ധ സേനയില്‍ അംഗമായ കെ ജി പ്രദീപാണ് മരിച്ചത്.ഇന്ന് മൂന്ന് മണിയോടെയാണ് സംഭവമുണ്ടായത്. മണ്ണുത്തി പൊലീസ് സ്റ്റേഷൻ പരിധിയിലുള്ള അക്കരപ്പുറം എന്ന സ്ഥലത്ത് പള്ളിപ്പെരുന്നാളുമായി ബന്ധപ്പെട്ട് കമാനം വെച്ചിട്ടുണ്ടായിരുന്നു. ഈ കമാനത്തിലിടിച്ചാണ് പൊലീസ് ഉദ്യോഗസ്ഥൻ ബൈക്കില്‍ നിന്ന് തെറിച്ച്‌ വീണ് അപകടത്തില്‍ പെട്ടത്. അക്കരപ്പുറം സ്വദേശിയാണ്. മൃതദേഹം ഇപ്പോള്‍ തൃശ്ശൂരിലെ സ്വകാര്യ ആശുപത്രിയില്‍ സൂക്ഷിച്ചിരിക്കുകയാണ്.
