സംസ്ഥാനത്ത് സാമൂഹ്യ സുരക്ഷ, ക്ഷേമനിധി പെൻഷനുകൾ രണ്ട് ഗഡു വീതം അനുവദിച്ചതായി ധനമന്ത്രി കെഎൻ ബാലഗോപാൽ അറിയിച്ചു. 62 ലക്ഷത്തോളം പേർക്ക് 3200 രൂപ വീതമാണ് നൽകുക. വെള്ളിയാഴ്ച മുതൽ പെൻഷൻ വിതരണം ആരംഭിക്കും. 26.2 ലക്ഷം ആളുകൾക്ക് ബാങ്ക് അക്കൗണ്ടിലൂടെയും ബാക്കിയുള്ളവർക്ക് സഹകരണ ബാങ്ക് വഴിയുമാകും പെൻഷൻ എത്തിക്കുക.ജനുവരിയിൽ ലഭിക്കേണ്ട പെൻഷനും കൂടാതെ കുടിശ്ശിക തുകയുടെ ഒരു ഗഡുവുമാണ് നൽകുന്നത്.
