7.50 കോടി രൂപയാണ് എഴുമങ്ങാട് - കറുകപുത്തൂർ റോഡിനെ ബിഎം ആൻ്റ് ബിസി നിലവാരത്തിൽ നവീകരിക്കുന്നതിന് അനുവദിച്ചത്.കൂടല്ലൂർ പടിഞ്ഞറങ്ങാടി റോഡിൽ പറക്കുളം - വരട്ടിപ്പള്ളിയാൽ - മണ്ണിയം പെരുമ്പലം വരെ ബിഎം ആൻ്റ് ബിസി നിലവാരത്തിൽ ഉയർത്തുന്നതിന് 4.50 കോടി രൂപയും അനുവദിച്ചു.
കൂടാതെ പടിഞ്ഞാറങ്ങാടി- നീലിയാട് റോഡ് നവീകരണത്തിന് നാലു കോടി,പള്ളിപ്പുറം മദ്രസ കൂട്ടക്കടവ് റോഡ് 1.50 കോടി,കുളമുക്ക് മുടപ്പക്കാട് റോഡ് 50 ലക്ഷം രൂപ എന്നിങ്ങനെയും തുക വകയിരുത്തിയിട്ടുണ്ടെന്ന് മന്ത്രി എം ബി രാജേഷ് അറിയിച്ചു.
മാത്തൂർ ആമക്കാവ് റോഡ് നവീകരണത്തിന് മൂന്നു കോടി രൂപ, കൂനംമൂച്ചി മൂക്കുട്ട റോഡ് നവീകരണം നാല് കോടി, മല ചാലിശ്ശേരി റോഡ് നാല് കോടി,തൃത്താല പഞ്ചായത്ത് ഷോപ്പിംഗ് കോംപ്ലക്സിന് അഞ്ചു കോടി, തൃത്താല ഗവ. ഐടിഐ കെട്ടിടത്തിന് അഞ്ചു കോടി, തൃത്താല ഗവ. സ്കൂൾ ഗ്രൗണ്ട് നവീകരണത്തിന് അഞ്ച് കോടി, കുമരനല്ലൂർ അമേറ്റിക്കര റോഡ് ഒരുകോടി , പെരിങ്ങണ്ണൂർ വെള്ളടിക്കുന്ന് റോഡ് 4 കോടി, നടുവട്ടം തണ്ണീർക്കോട് റോഡ് ആറ് കോടി എന്നിങ്ങനെയുള്ള പ്രവൃത്തികൾക്ക് ബജറ്റിൽ പ്രാഥമിക പരിഗണന നൽകിയിട്ടുണ്ട്.
കൂടാതെ മണ്ഡലത്തിലെ കുളങ്ങളുടെ നവീകരണം, ടൂറിസം വികസനം,കുടല്ലൂർ കൂട്ടക്കടവ് തടയണയുടെ സംരക്ഷണത്തിനും റോഡ് നിർമ്മാണത്തിനും 10 കോടി രൂപ വീതവും ബജറ്റിൽ പരാമർശിച്ചു. വെള്ളാളൂർ സ്കൈലാബ് റോഡ് നവീകരണത്തിന് അഞ്ച് കോടി രൂപയും തൃത്താല കൂറ്റനാട് റോഡ് നവീകരണത്തിന് ഏഴു കോടി രൂപയും പ്രാഥമികമായി ബജറ്റിൽ ഉൾപ്പെടുത്തിയിട്ടുണ്ടെന്ന് മന്ത്രി എം ബി രാജേഷ് അറിയിച്ചു.
