ഇതിനിടെ ഇന്ന് രാവിലെ നടന്ന കൗൺസിൽ യോഗത്തിലും നഗരസഭ ഭരണനേതൃത്വത്തിനെതിരെ കോൺഗ്രസ് അഴിമതി ആരോപണമുന്നയിച്ചു. കുന്നംകുളത്തെ പുതിയ അറവുശാല നിർമ്മാണ പ്രവർത്തനവുമായി ബന്ധപ്പെട്ട് തയ്യാറാക്കിയ DPR ന് തുക അനുവദിക്കുന്നുമായി ബന്ധപ്പെട്ട വിഷയത്തിലാണ് പ്രതിപക്ഷം ഇടപെട്ട് അഴിമതി ഉന്നയിച്ചത്. 2022 ൽ പ്രവർത്തനം നിലച്ച ഒരു കമ്പനിക്കാണ് ഇപ്പോൾ നഗരസഭ തുക അനുവദിക്കുന്നത് എന്നായിരുന്നു പ്രതിപക്ഷമായ കോൺഗ്രസിന്റെ ആരോപണം.കോൺഗ്രസ് കൗൺസിലർ ഷാജി ആലിക്കലാണ് വിഷയം ഉന്നയിച്ചത്. പ്രതിപക്ഷ പ്രതിഷേധവും ശക്തമായി ഉയർന്നു.. കൃത്യമായ മറുപടി പറയാൻ സാധിക്കാതെ വെട്ടിലായ ചെയർപേഴ്സൺ യോഗം പിരിച്ചുവിടുകയായിരുന്നു.
