ഉപരാഷ്ട്രപതിയുടെ സുരക്ഷാ മുന്നൊരുക്കത്തിന്റൈ ഭാഗമായി രാവിലെ 8 മുതല് പത്തു മണി വരെ വിവാഹം, ചോറൂണ്, ക്ഷേത്ര ദര്ശനം എന്നിവയ്ക്ക് നിയന്ത്രണം ഏര്പ്പെടുത്തും.
വിവാഹം, ചോറൂണ് എന്നിവ രാവിലെ 7 മണിക്ക് മുൻപോ 10 മണിക്ക് ശേഷമോ നടത്തേണ്ടതാണ്. വിവാഹങ്ങള് നടത്തുന്നതിനായി കൂടുതല് വിവാഹം മണ്ഡപങ്ങള് ഏര്പ്പെടുത്തും. ക്ഷേത്രം ഇന്നര് റിങ്ങ് റോഡുകളില് അന്നേ ദിവസം രാവിലെ മുതല് വാഹന പാര്ക്കിങ്ങ് അനുവദിക്കില്ല. ഉപരാഷ്ട്രപതിയുടെ സന്ദര്ശനം കഴിയുന്നതുവരെ തെക്കേ നടയുടെ ഇരുവശങ്ങളിലുമുള്ള കടകള് തുറക്കാന് അനുവാദമില്ലെന്നും ഗുരുവായൂര് ദേവസ്വം അറിയിച്ചു.
പ്രാദേശികം, സീനിയര് സിറ്റിസണ് ദര്ശന ക്യൂ എന്നിവ രാവിലെ 6 മണിക്ക് അവസാനിപ്പിക്കും.
ഉപരാഷ്ട്രപതിയുടെ ഗുരുവായൂര് ക്ഷേത്ര സന്ദര്ശനവുമായി ബന്ധപ്പെട്ട് ദേവസ്വം ഏര്പ്പെടുത്തുന്ന ക്രമീകരണങ്ങളോട് ഭക്തജനങ്ങള് സഹകരിക്കണമെന്ന് ദേവസ്വം ചെയര്മാന് ഡോ. വി കെ വിജയന് ,അഡ്മിനിസ്ട്രേറ്റര് ഒ ബി അരുണ്കുമാര് എന്നിവര് അഭ്യര്ത്ഥിച്ചു.