കേന്ദ്ര ഗ്രാമവികസന മന്ത്രാലയത്തിന്റെ ആഭിമുഖ്യത്തില് സംഘടിപ്പിക്കുന്ന സരസ് മേള വഴി ഇന്ത്യയിലെ ഗ്രാമപ്രദേശങ്ങളിലെ സംരഭകരുടെ ഉത്പന്നങ്ങള്ക്ക് പ്രചാരം നല്കുകയും അവര്ക്ക് കൂടുതല് വരുമാനവും തൊഴിലും നല്കുക എന്നതാണ് ലക്ഷ്യം. 250-ലധികം ഉത്പന്ന വിപണന സ്റ്റാളുകള് മേളയോട് അനുബന്ധിച്ച് സജ്ജീകരിക്കും. ഇതര സംസ്ഥാനങ്ങളിലെ രുചിവൈവിധ്യം വിളമ്പുന്ന 25ലധികം സ്റ്റാളുകള് അടങ്ങുന്ന വമ്പന് ഫുഡ്കോര്ട്ട്, കലാ - സാംസ്കാരിക രംഗത്തെ പ്രഗത്ഭര് പങ്കെടുക്കുന്ന കലാപരിപാടികള്, വിവിധ വിഷയങ്ങളെ അധികരിച്ചുള്ള സെമിനാറുകള് എന്നിവയും ഉണ്ടാകും.
പരിപാടിയില് നാഗലശ്ശേരി ഗ്രാമ പഞ്ചായത്ത് പ്രസിഡന്റ് വി വി ബാലചന്ദ്രന്, തൃത്താല ബ്ലോക്ക് പഞ്ചായത്ത് വൈസ് പ്രസിഡന്റ് പി ആര് കുഞ്ഞുണ്ണി , ജില്ലാ പഞ്ചായത്ത് അംഗം ഷാനിബ ടീച്ചര്, ചാലിശ്ശേരി വാര്ഡ് മെമ്പര്മാരായ ശിവാസ്, ആനി വിനു,സ്റ്റേറ്റ് പ്രോഗ്രാം ഓഫീസര് കെ.വി ശ്യാം കുമാര്, സ്റ്റേറ്റ് പ്രോഗ്രാം മാനേജര് ഷാന്, കുടുംബശ്രീ അസിസ്റ്റന്റ് ജില്ലാ മിഷന് കോര്ഡിനേറ്റര്മാരായ എസ് അനുരാധ, പിബി സുഭാഷ്,കുടുംബശ്രീ ജില്ലാ മിഷന് കോര്ഡിനേറ്റര്(ഇന്ചാര്ജ് )ബി എസ് മനോജ്, ചാലിശ്ശേരി ഗ്രാമപഞ്ചായത്ത് സി.ഡി.എസ് അധ്യക്ഷ ലതാ സുഗുണന്,മറ്റ്സിഡിഎസ് ചെയര് പേഴ്സണ്മാര്, സി ഡി എസ് മെമ്പര്മാര്, ബ്ലോക്ക് കോര്ഡിനേറ്റര്മാര്, ജനപ്രതിനിധികള്, പൊതുപ്രവര്ത്തകര്, കുടുംബശ്രീ പ്രവര്ത്തകര്, സാമൂഹ്യ - സാംസ്ക്കാരിക പ്രവര്ത്തകര് തുടങ്ങിയവര് പങ്കെടുത്തു.
