സോപാനം സ്കൂളിൽ നിന്ന് പഞ്ചവാദ്യം അഭ്യസിച്ച സായി ദർശൻ സ്ഥാപിച്ച രാംദർശൻ മ്യൂസിക് അക്കാദമിയുടെ ആഭിമുഖ്യത്തിലാണ് പരിപാടി. മുരളി കണ്ടനകം, സന്തോഷ് ആലംകോട് എന്നീ ആശാന്മാരുടെ പരിശീലനത്തിൽ 9 മുതൽ 30 വയസ്സ് വരെയുള്ള 40-ൽ പരം വിദ്യാർത്ഥികൾ ഒന്നര വർഷത്തെ തീവ്രപരിശീലനം പൂർത്തിയാക്കി.
കേരളത്തിൽ നിന്നുള്ള 12 കലാകാരന്മാരും പങ്കെടുക്കുന്ന ഈ മേളം കേരളത്തിന്റെ തനതായ താളവാദ്യ കലയുടെ രാജ്യാന്തര വളർച്ചയ്ക്കുള്ള നാഴികക്കല്ലായി മാറും.
