ഇന്ധനപ്രതിസന്ധി മറികടക്കാൻ കേന്ദ്രം; പെട്രോളിന്റെ എക്സൈസ് ഡ്യൂട്ടി 10 രൂപ കുറച്ചു; ഡീസലിന്റെ തീരുവ പൂര്ണമായി ഒഴിവാക്കി.
ന്യൂഡെൽഹി :പെട്രോളിന്റെയും ഡീസലിന്റെയും എക്സൈസ് ഡ്യൂട്ടി ലിറ്ററിന് 10 രൂപ വീതം കേന്ദ്ര സർക്കാർ കുറച്ചു. ഇതോടെ പെട്രോളിന്റെ മേലുള്ള നികുതി ലിറ്ററിന് 3 രൂപയായും ഡീസലിന്റേത് പാടെ ഒഴിവാക്കി പൂജ്യം രൂപയായും കുറഞ്ഞു.ഇറാനും യുഎസ്-ഇസ്രായേല് സഖ്യവും തമ്മിലുള്ള സംഘർഷം ആഗോള ഊർജ പ്രതിസന്ധി രൂക്ഷമാക്കുന്ന സാഹചര്യത്തിലാണ് ഈ തീരുമാനം.
ലോകത്തെ അഞ്ചിലൊന്ന് ക്രൂഡ് ഓയില് വിതരണം നടക്കുന്ന ഹോർമുസ് കടലിടുക്ക് ഇറാൻ ഉപരോധിച്ചതോടെ പ്രതിദിനം 20-25 ദശലക്ഷം ബാരല് ഇന്ധനത്തിന്റെ നീക്കത്തെയാണ് ബാധിച്ചിരിക്കുന്നത്. സംഘർഷത്തിന് മുമ്പ് ഇന്ത്യയുടെ ക്രൂഡ് ഓയില് ഇറക്കുമതിയുടെ 12-15 ശതമാനവും ഈ പാതയിലൂടെയായിരുന്നു.നികുതിയിലെ ഈ വൻ കുറവ് എണ്ണക്കമ്പനികളുടെ സാമ്പത്തിക ഭാരം കുറയ്ക്കാനും ആഗോള വിപണിയിലെ അസ്ഥിരമായ എണ്ണവിലയുടെ ആഘാതത്തില് നിന്ന് ആശ്വാസം നല്കാനും സഹായിക്ക
വിമാന ഇന്ധനത്തിന് പുതിയ നികുതിറോഡ് ഇന്ധനങ്ങള്ക്ക് ആശ്വാസം നല്കിയപ്പോള് തന്നെ, വിമാന ഇന്ധനത്തിന് (ATF) ലിറ്ററിന് 50 രൂപ പ്രത്യേക അധിക എക്സൈസ് ഡ്യൂട്ടി സർക്കാർ ഏർപ്പെടുത്തി. എങ്കിലും ഇളവുകള്ക്ക് ശേഷം ഇതിന്റെ ഫലപ്രദമായ നികുതി ലിറ്ററിന് 29.5 രൂപയോളമായിരിക്കും. പെട്രോളിനും ഡീസലിനും വിമാന ഇന്ധനത്തിനും വ്യത്യസ്തമായ നികുതി നയമാണ് സർക്കാർ സ്വീകരിച്ചിരിക്കുന്നത് എന്ന് ഇത് വ്യക്തമാക്കുന്നു.കയറ്റുമതി ആനുകൂല്യങ്ങളില് നിയന്ത്രണംഇന്ധന കയറ്റുമതിക്കുള്ള നിയമങ്ങള് സർക്കാർ കർശനമാക്കിയിട്ടുണ്ട്. പെട്രോള്, ഡീസല്, എടിഎഫ് എന്നിവയുടെ കയറ്റുമതിക്ക് നേരത്തെ നല്കിയിരുന്ന വ്യാപകമായ എക്സൈസ് ഡ്യൂട്ടി ഇളവുകള് പിൻവലിച്ചു. ഇനി മുതല് പ്രത്യേക വിഭാഗങ്ങള്ക്ക് മാത്രമായിരിക്കും ഈ ആനുകൂല്യം ലഭിക്കുക.അയല്രാജ്യങ്ങള്ക്ക് ഇളവ് തുടരുംകയറ്റുമതി നിയമങ്ങള് കർശനമാക്കിയെങ്കിലും അയല്രാജ്യങ്ങളായ നേപ്പാള്, ഭൂട്ടാൻ, ബംഗ്ലാദേശ്, ശ്രീലങ്ക എന്നിവിടങ്ങളിലേക്ക് പൊതുമേഖലാ എണ്ണക്കമ്പനികള് നടത്തുന്ന വിതരണത്തിന് മുൻഗണനയും ഇളവുകളും തുടരും. കൂടാതെ, നേരത്തെ അംഗീകരിച്ച കയറ്റുമതി കരാറുകളെ പുതിയ തീരുമാനം ബാധിക്കില്ല.
ആഗോള എണ്ണ വിപണിയില് അനിശ്ചിതത്വം നിലനില്ക്കുന്ന സാഹചര്യത്തില്, ആഭ്യന്തര വിപണിയില് ഇന്ധന ലഭ്യതയും വിലസ്ഥിരതയും ഉറപ്പാക്കാനാണ് സർക്കാർ ഈ നീക്കത്തിലൂടെ ലക്ഷ്യമിടുന്നത്. ഉപഭോക്താക്കള്ക്കും റിഫൈനറികള്ക്കും ഊർജ്ജ വിപണിക്കും വലിയ സ്വാധീനം ചെലുത്തുന്ന ഒന്നാണ് ഇന്ത്യയുടെ ഈ പുതിയ ഇന്ധന നികുതി പരിഷ്കാരം.
