കുണ്ടന്നൂർ മുട്ടിക്കലിൽ സ്വകാര്യവ്യക്തിയുടെ ഉടമസ്ഥതയിലുള്ള ക്വാറിയിൽ നിന്ന് അജ്ഞാത മൃതദേഹം കണ്ടെത്തി.വെള്ളിയാഴ്ച രാവിലെ 9:30 യോടെയായിരുന്നു സംഭവം. മൃതദേഹത്തിന് രണ്ട് ദിവസത്തോളം പഴക്കമുള്ളതായാണ് കണക്കാക്കുന്നത്. മാസങ്ങളായി അടഞ്ഞു കിടന്നിരുന്ന ക്വാറിയിലെ പ്ലാൻ്റ് നോക്കുവാൻ എത്തിയ ജീവനക്കാരാണ് മൃതദേഹം ആദ്യം കണ്ടെത്തിയത്. തുടർന്ന് വാർഡ് മെമ്പറെയും വടക്കാഞ്ചേരി പോലീസിനെയും വിവരം അറിയിച്ചു. വടക്കാഞ്ചേരി പോലീസ് സ്ഥലത്തെത്തി പരിശോധന നടത്തുകയാണ്. 50 വയസ്സ് തോന്നിക്കുന്ന പുരുഷന്റേതാണ് മൃതദേഹം. മരിച്ചയാളെ തിരിച്ചറിയുവാനുള്ള അന്വേഷണം പോലീസ് ഊർജ്ജതമാക്കി.
