കൂറ്റനാട് : കലയുടെയും പ്രകൃതിയുടെയും സമന്വയമൊരുക്കി ഗണപത് ആർട്ട് ഗ്രൂപ്പിന്റെ നേതൃത്വത്തിൽ സംഘടിപ്പിക്കുന്ന നാലാമത് ചിത്രകലാ ക്യാമ്പ് നിഴലും നിറങ്ങളും ഏപ്രിൽ 18 ശനിയാഴ്ച നടക്കും.
പ്രശസ്ത ചിത്രകാരന്മാരുടെ സാന്നിധ്യത്തിൽ തലക്കശ്ശേരിയിലെ ഔട്ട്ഡോർ സ്റ്റുഡിയോയിൽ രാവിലെ 9 മുതൽ വൈകിട്ട് 5.30 വരെ കലാസംഗമം അരങ്ങേറുന്നത്.
പ്രകൃതിയോട് ഇണങ്ങിനിന്നുകൊണ്ടുള്ള സർഗ്ഗാത്മകമായ ഒത്തുചേരൽ ലക്ഷ്യമിട്ടാണ് ക്യാമ്പ് സംഘടിപ്പിച്ചിരിക്കുന്നത്. വിവിധ തലമുറകളിൽപ്പെട്ട പ്രമുഖ ചിത്രകാരന്മാർ ക്യാമ്പിൽ പങ്കെടുത്ത് തത്സമയം ചിത്രരചന നടത്തും.
ഈ വർഷത്തെ സംഗമത്തിൽ കലാരംഗത്തെ പ്രമുഖരായ വേണു പാലൂർ , ശശിധരൻ കോതച്ചിറ , രേവതി വേണു ,
ബഷീർ വി.എം.,
വിനോദ് മാധവൻ,
രാജേഷ് കരിങ്ങനാട്,
അജയൻ കൂറ്റനാട് ,
സുധിൽ കുമാർ ,മൊയ്തീൻകുട്ടി പെരുമണ്ണൂർ,
അരുൺ തൃത്താല ,
രേണുക പി.സി.,
മണി മുദ്ര ,
വിജയൻ കെ. ആലൂർ എന്നിവർ പങ്കെടുക്കും
കലയെ സ്നേഹിക്കുന്നവർക്കും പുതിയ കലാകാരന്മാർക്കും ഒരുപോലെ പ്രചോദനമാകുന്ന ഈ സംഗമം, ഗണപത് ആർട്ട് ഗ്രൂപ്പിന്റെ ഏഴാമത് വാർഷിക സംഗമം കൂടിയാണ്.
