കൊല്ലം കൊട്ടാരക്കര നീലേശ്വരത്ത് നിയന്ത്രണം വിട്ട ടിപ്പര് ലോറി ബസ് സ്റ്റോപ്പില് കാത്തുനിന്ന കുട്ടികള്ക്ക് മുകളിലേക്ക് പാഞ്ഞുകയറി വന് അപകടം. കുട്ടികള് വാഹനത്തിനടിയില് അകപ്പെട്ടു. കുട്ടികളെ പുറത്തെടുക്കാന് നാട്ടുകാരും പൊലീസും ചേര്ന്ന് ഊര്ജിതമായ ശ്രമങ്ങള് നടത്തിവരികയാണ്. മൂന്ന് പേര് മരിച്ചു. രണ്ട് പേരുടെ നില അതീവ ഗുരുതരമാണ്.
ടിപ്പര് ലോറി അമിത വേഗതയിലായിരുന്നുവെന്നാണ് ദൃക്സാക്ഷികള് പറയുന്നത്. കുട്ടികളും രക്ഷിതാക്കളും ഉള്പ്പെടെ ബസ് കാത്തുനില്ക്കുന്നതിനിടെയാണ് അപകടമുണ്ടായത്. മണ്ണ് കയറ്റി വരികയായിരുന്നു ടിപ്പര് ലോറി. എത്ര പേരാണ് അപകടത്തില്പ്പെട്ടതെന്നതില് അവ്യക്തത തുടരുകയാണ്. പുറത്തെടുത്തവരില് മൂന്നുപേരുടെ നില അതീവ ഗുരുതരമാണെന്ന് നാട്ടുകാര് അറിയിച്ചു. പൊലീസും ഫയര് ഫോഴ്സും സംഭവസ്ഥലത്തെത്തി രക്ഷാപ്രവര്ത്തനത്തിന് നേതൃത്വം നല്കി വരികയാണ്.
