ഈ മത്സരങ്ങൾക്കൊപ്പം കായികപ്രേമികൾക്കായി ആവേശകരമായ പ്രവചന മത്സരങ്ങളും നഗരസഭ സംഘടിപ്പിക്കുന്നുണ്ട്. ലോകകപ്പ് നേടുന്ന ടീം ഏത്, ഗോൾഡൻ ബൂട്ട് ആര് നേടും, ഗോൾഡൻ ഗ്ലൗസ് ആര് നേടും എന്നീ മൂന്ന് ചോദ്യങ്ങൾക്കാണ് കൃത്യമായ ഉത്തരം രേഖപ്പെടുത്തേണ്ടത്. ജൂലൈ 9 വ്യാഴാഴ്ച വൈകീട്ട് 3 മണി മുതൽ 5 മണി വരെ മാത്രമായിരിക്കും ഇതിനായി ഉത്തരങ്ങൾ സമർപ്പിക്കാൻ അവസരം ഉണ്ടായിരിക്കുക. ടൗൺ ഹാളിൽ പ്രത്യേകം സ്ഥാപിച്ചിട്ടുള്ള പ്രവചന ബോക്സിൽ ഉത്തരങ്ങൾ എഴുതി സമർപ്പിക്കേണ്ടതാണ്. കൃത്യമായി പ്രവചിക്കുന്ന വിജയികൾക്ക് നഗരസഭയുടെ വകയായി ആകർഷകമായ സമ്മാനങ്ങൾ വിതരണം ചെയ്യും. കുന്നംകുളത്തെയും പരിസര പ്രദേശങ്ങളിലെയും മുഴുവൻ കായികപ്രേമികളെയും ഈ ദൃശ്യവിരുന്നിലേക്ക് സ്വാഗതം ചെയ്യുന്നതായി നഗരസഭാ ഭാരവാഹികൾ അറിയിച്ചു.
