എം.ഡി.എം.എ ഉൾപ്പടെയുളള ലഹരിവസ്തുക്കളുമായി കാറിൽ സഞ്ചരിച്ചിരുന്ന യുവാവിനെ എരുമപ്പെട്ടി പോലീസ് അറസ്റ്റ് ചെയ്തു. കുന്നംകുളം ചൂണ്ടൽ കളരിക്കൽ വീട്ടിൽ സജിൽ(24)ആണ് പോലീസ് പിടിയിലായത്.നിയന്ത്രണമില്ലാത്ത തരത്തിൽ കാർ ഓടിച്ച് പോകുന്നതായി നാട്ടുകാർ വിവരം നൽകിയതിനെ തുടർന്നാണ് പോലീസ് കാർ പിന്തുടർന്ന് പിടികൂടിയത്.വടക്കാഞ്ചേരി - കുന്നംകുളം സംസ്ഥാന പാതയിൽ നിന്നും തിരിഞ്ഞ് മങ്ങാട് - അത്താണി റോഡിലേക്ക് കയറി ഓടിച്ച് പോയിരുന്ന കാർ മങ്ങാട് പാടശേഖരത്തിന് സമീപം വെച്ച് പോലീസ് തടഞ്ഞു. തുടർന്ന് നടത്തിയ പരിശോധനയിൽ കാറിൽ നിന്ന് സിറ്റിക്ക് ഡ്രഗ് ഇനത്തിൽപ്പെട്ട 1 ഗ്രാം എം.ഡി.എം.എയും, 41 ഗ്രാം ഗഞ്ചാവും,3 ഗ്രാമോളം നൈട്രസെപാം ഗുളികയും കണ്ടെടുത്തു.ചെറുതുരുത്തി സർക്കിൾ ഇൻസ്പെക്ടർ വി.എസ്. ശ്യാംകുമാർ സ്ഥലത്തെത്തി മേൽനടപടികൾ സ്വീകരിച്ചു. എരുമപ്പെട്ടി എസ്.ഐ. ആൻ്റോ ഫ്രാൻസീസ്, എ.എസ്.ഐമാരായ ഓമന, കമറുദ്ധീൻ, സി.പി.ഒമാരായ വിഷ്ണുജിത്ത്,എൽദോ,അഭീഷ് എന്നിവർ ചേർന്നാണ് പ്രതിയെ പിടികൂടിയത്.
