ബാലഭാസ്കറിന്റെ ഡ്രൈവറായിരുന്ന അർജുനെയാണ് കേസില്‍ പോലീസ് പിടികൂടിയത്.
ബാലഭാസ്കറിന്റെ അപകടമരണത്തില്‍ ദുരൂഹതയുണ്ടെന്നും സംഭവത്തില്‍ സ്വർണക്കടത്ത് സംഘങ്ങള്‍ക്ക് പങ്കുണ്ടെന്നും നേരത്തെ ആരോപണമുയർന്നിരുന്നു. ബാലഭാസ്കറിന്റെ വാഹനം അപകടത്തില്‍പ്പെട്ടപ്പോള്‍ വാഹനമോടിച്ചിരുന്നത് ഇപ്പോള്‍ അറസ്റ്റിലായ അർജുനായിരുന്നു. അതേസമയം, ബാലഭാസ്കറിന്റെ മരണവുമായി പെരിന്തല്‍മണ്ണയിലെ കേസിന് ബന്ധമില്ലെന്നാണ് പെരിന്തല്‍മണ്ണ ഡിവൈ.എസ്.പി.യുടെ പ്രതികരണം.
കഴിഞ്ഞ വ്യാഴാഴ്ച രാത്രിയാണ് വീട്ടിലേക്ക് പോകുകയായിരുന്ന ജൂവലറി ഉടമകളെ ആക്രമിച്ച്‌ മൂന്നരക്കിലോ സ്വർണം കവർന്നത്. ആസൂത്രിതമായി നടന്ന വൻകവർച്ചയില്‍ നേരത്തെ 13 പ്രതികളെ പോലീസ് പിടികൂടിയിരുന്നു. മോഷ്ടിച്ച സ്വർണവുമായി ചെർപ്പുളശ്ശേരിയിലെത്തിയ ഒരു സംഘത്തെ മറ്റൊരു വാഹനത്തിലെത്തി കൂട്ടിക്കൊണ്ടുപോയത് അർജുനാണെന്നാണ് പോലീസ് പറയുന്നത്.
