വയനാട് ദുരന്തത്തിൽ കേന്ദ്ര സർക്കാർ തുടരുന്ന അവഗണനയ്ക്കെതിരെ ഇന്ന് എൽഡിഎഫ് നേതൃത്വത്തിൽ മാർച്ചും ധർണയും നടത്തും. തിരുവനന്തപുരത്ത് രാജ്ഭവന് മുന്നിലും, മറ്റ് ജില്ലകളിൽ കേന്ദ്ര സർക്കാർ സ്ഥാപനങ്ങൾക്ക് മുന്നിലുമാണ് പരിപാടി സംഘടിപ്പിച്ചിട്ടുള്ളത്.
രാജ്ഭവന് മുന്നിൽ നടക്കുന്ന പ്രക്ഷോഭം സിപിഐ(എം) സംസ്ഥാന സെക്രട്ടറി എം വി ഗോവിന്ദൻ ഉദ്ഘാടനം ചെയ്യും. കൊല്ലത്ത് ടിപി രാമകൃഷ്ണൻ, പത്തനംതിട്ട മാത്യു ടി തോമസ്, ആലപ്പുഴ പി കെ ശ്രീമതി, കോട്ടയം ഡോ. എൻ ജയരാജ്, ഇടുക്കി കെ പ്രകാശ് ബാബു, എറണാകുളം പി സി ചാക്കോ, തൃശൂർ കെ പി രാജേന്ദ്രൻ പാലക്കാട് എ വിജയരാഘവൻ, മലപ്പുറം എളമരം കരീം, കോഴിക്കോട് ശ്രേയാംസ്കുമാർ, വയനാട് അഹമ്മദ് ദേവർകോവിൽ, കണ്ണൂർ ഇ പി ജയരാജൻ, കാസർകോട് ഇ ചന്ദ്രശേഖരൻ എന്നിവർ സമരം ഉദ്ഘാടനം ചെയ്യും.
