കേരള കർഷകസംഘം ജില്ലാതല അംഗത്വ വിതരണ ക്യാമ്പയിൻ ഉദ്ഘാടനം പോർക്കുളത്ത് നടന്നു. പോർക്കുളം പോസ്റ്റ് ഓഫീസ് യൂണിറ്റിലെ തങ്കമണിക്ക് മെമ്പർഷിപ്പ് നൽകികൊണ്ട് എഐകെഎസ് സംസ്ഥാന ജോയിന്റ് സെക്രട്ടറിയും എംഎൽഎയുമായ എ.സി മൊയ്ത‌ീൻ ഉദ്ഘാടനം നിർവഹിച്ചു. പോർക്കുളം പോസ്റ്റ് ഓഫീസ് പരിസരത്ത് നടന്ന ചടങ്ങിൽ ജില്ലാ എക്സിക്യൂട്ടീവ് മെമ്പർ എം.എൻ സത്യൻ അദ്ധ്യക്ഷത വഹിച്ചു. ജില്ലാ വൈസ് പ്രസിഡണ്ട് എം ബാലാജി, ഏരിയ സെക്രട്ടറി കെ.കൊച്ചനിയൻ, ഏരിയ പ്രസിഡണ്ട് എ.ജെ സ്റ്റാൻലി, പോർക്കുളം പഞ്ചായത്ത് പ്രസിഡണ്ട് അഡ്വ. കെ. രാമകൃഷ്‌ണൻ, സി ജി രഘുനാഥ് തുടങ്ങിയവർ സംസാരിച്ചു.
