വെളിയങ്കോട് പ്രകൃതിയുടെയും അറിവിന്റെയും ഒരു സങ്കേതം പുസ്തകം പ്രകാശനം ചെയ്തു
വെളിയങ്കോട്: എംടിഎം കോളേജിനുവേണ്ടി ഫൈസൽ ബാവ തയ്യാറാക്കി, എംടിഎം പബ്ലിക്കേഷൻ പ്രസിദ്ധീകരിച്ച എ ഹെവൻ ഓഫ് നേച്വർ ആൻഡ് നോളജ് ഇൻ വെളിയങ്കോട് (A Haven of Nature and Knowledge in Veliyancode) എന്ന പുസ്തകത്തിന്റെ പ്രകാശനം വെളിയങ്കോട് പഞ്ചായത്ത് വിദ്യാഭ്യാസ ആരോഗ്യ സ്റ്റാന്റിങ് കമ്മറ്റി ചെയർമാൻ സെയ്ദ് പുഴക്കര നിർവഹിച്ചു. പ്രകൃതിയെ മനസിലാക്കാൻ വിദ്യാർത്ഥികൾക്ക് ഇതൊരു മികച്ച റഫറൻസ് ഗ്രന്ഥമാണ് എന്ന് പുസ്തകം പ്രകാശിപിപ്പിച്ചുകൊണ്ട് അദ്ദേഹം പറഞ്ഞു. പ്രശസ്ത നാടക നടനും നാടകപ്രവർത്തകനുമായ ബേബിരാജ് ചെറായി പുസ്തകം ഏറ്റുവാങ്ങി. എംടിഎം ട്രസ്റ്റ് സെക്രട്ടറി പ്രൊഫസർ ഹവ്വാഹുമ്മ പരിപാടി ഉദ്ഘാടനം ചെയ്തു. വെളിയങ്കോടിന്റെ പ്രകൃതിയെ സൂക്ഷമായി നിരീക്ഷിക്കുകയും, ഇവിടെ എത്തുന്ന ദേശാടന പക്ഷികൾ, മരങ്ങൾ, ഔഷധ ചെടികൾ, വംശനാശം നേരിടുന്ന ചെറു ശുദ്ധജല മൽസ്യങ്ങൾ, രക്തശാലി നെല്ലിന്റെ വിളവെടുപ്പ് തുടങ്ങിയവയെ കുറിച്ച് വിശദമായി വിവരിക്കുന്ന പ്രകൃതയെ ആഴത്തിൽ തൊട്ടറിഞ്ഞ മനോഹരമായ പുസ്തകമാണ് ഇതെന്ന് ഉദ്ഘാടന പ്രസംഗത്തിൽ പറഞ്ഞു. പ്രിൻസിപ്പൽ ജോൺ ജോസഫ് അദ്ധ്യക്ഷനായിരുന്നു. കൊമേഴ്‌സ് ഡിപ്പാർട്ടമെന്റ് മേധാവി മായ സി, മാനേജ്‌മെന്റ് സ്റ്റഡീസ് ഡിപ്പാർട്ടമെന്റ് മേധാവി ഫൗഷിബ.പികെഎം, മലയാളം ഭാഷാ വിഭാഗം മേധാവി നന്ദകുമാർ.സിപി എന്നിവർ സംസാരിച്ചു. എൻ എസ് എസ് യുണിറ്റ് സെക്രട്ടറി റഹീഷ സ്വാഗതം പറഞ്ഞു. ഗ്രന്ഥകാരൻ ഫൈസൽ ബാവ മറുപടി പ്രസംഗവും നടത്തി
