കേരള സർക്കാരിൻെറ നാലാം വർഷികാഘോഷ പരിപാടിയോടനുബന്ധിച്ച് നഗരത്തിൽ ഗതാഗത നിയന്ത്രണം

 കേരള സർക്കാരിൻെറ നാലാം വർഷികാഘോഷ പരിപാടിയോടനുബന്ധിച്ച് നഗരത്തിൽ ഗതാഗത നിയന്ത്രണം

കേരള സംസ്ഥാന സർക്കാരിൻെറ നാലാം വാർഷികാഘോഷ പരിപാടികൾ 14.05.2025 തിയ്യതിയിൽ തൃശ്ശൂർ കാസിനോ ഹോട്ടലിലും തേക്കിൻ കാട് മൈതാനത്തുമായി നടത്തപ്പെടുകയാണ്. ആയതിനോടനുബന്ധിച്ചുള്ള ട്രാഫിക് ഡൈവേർഷൻ പ്ലാൻ ചുവടെ ചേർക്കുന്നു. 

14.05.2025 തിയ്യതി രാവിലെ 10.00 മണിക്ക് തൃശ്ശൂർ കാസിനോ ഹോട്ടലിൽ വച്ച് പ്രതിനിധി സമ്മേളനം നടക്കുന്നു. ഏകദേശം 600 ഓളം വാഹനങ്ങൾ പരിപാടിക്കായി എത്തുമെന്ന് അറിയുന്നു. അന്നേ ദിവസം രാവിലെ 6 മണി മുതൽ തൃശ്ശൂർ സ്വരാജ് റൌണ്ടിൽ പാർക്കിങ്ങ് കർശനമായി നിരോധിച്ചിരിക്കുന്നു. രാവിലെ 9 മണി മുതൽ ശക്തൻ സൌത്ത് റിങ്ങിൽ നിന്നും കൊക്കാല ഭാഗത്തേക്ക് T B റോ‍ഡിൽ വൺവേ ആയിരിക്കും, പരിപാടിക്കായി ആദ്യം എത്തുന്ന 400 ഓളം വാഹനങ്ങൾ T B റോ‍ഡിലെ പ്രധാന കവാടത്തിലൂടെ കാസിനോ ഹോട്ടലിലേക്ക് പ്രവേശിച്ച് കോമ്പൌണ്ടിലെ പാർക്കിംങ് ഏരിയയിൽ പാർക്ക് ചെയ്യേണ്ടതാണ്. പാർക്കിംങ് ഏരിയ Fill ആയി കഴിഞ്ഞാൽ പിന്നീട് വരുന്ന വാഹനങ്ങൾ ആളെ ഇറക്കിയതിനു ശേഷം ഹോട്ടൽ കോമ്പൌണ്ടിൻെറ പിൻ ഭാഗത്തു കൂടെ കൊക്കാല – കൂർക്ക‍ഞ്ചരി റോഡിലെത്തി വലത്തോട്ട് തിരിഞ്ഞ് വെളിയന്നൂർ ജംഗ്ഷനിൽ എത്തി വലത്തോട്ട് തിരി‍‍ഞ്ഞ് മാതൃഭൂമി ജംഗ്ഷനു സമീപമുള്ള ശക്തൻ പാർക്കിങ്ങ് ഗ്രൌണ്ടിൽ എത്തി പാർക്ക് ചെയ്യേണ്ടതുമാണ്.

അന്നേ ദിവസം വൈകീട്ട് 4.00 മണിക്ക് പാറമ്മേക്കാവ് ഭാഗത്ത് നിന്നും സംസ്ഥാന സർക്കാരിൻെറ നാലാം വാർഷികാഘോഷത്തോടനുബന്ധിച്ചുള്ള റാലിയും തുടർന്ന് 5.00 മണിക്ക് തൃശ്ശൂർ തേക്കിൻ കാട് മൈതാനത്ത് വെച്ച് പൊതു യോഗവും നടക്കുന്നു. ആയതിനു മുന്നോടിയായി 3.30 മണിയോടെ തൃശ്ശൂർ സ്വരാജ് റൌണ്ടിലേക്കുള്ള വാഹന ഗതാഗതം നിയന്ത്രിക്കുന്നതിനായി ട്രാഫിക് ഡൈവർഷൻ ആരംഭിക്കേണ്ടതും, ആദ്യം വലിയ വാഹനങ്ങളും തുടർന്ന് ചെറിയ വാഹനങ്ങളും പൂർണമായും വഴി തിരിച്ച് വിടുന്നതുമാണ്. . 

പാർക്കിങ്ങ് സ്ഥലങ്ങൾ

വാർഷികാഘോഷ പരിപാടികൾക്കായി ആളുകളുമായി എത്തുന്ന വാഹനങ്ങൾ പാർക്ക് ചെയ്യേണ്ട സ്ഥലങ്ങൾ ചുവടെ ചേർക്കുന്നു

1. കന്ദംകുളം, ചേലക്കര, വടക്കാഞ്ചരി എന്നിവിടങ്ങളിൽ നിന്നും വരുന്ന വാഹനങ്ങൾ കല്യാൺ ഹൈപ്പർ മാർക്കറ്റിന് സമീപത്തുള്ള പാലസ് സ്റ്റാൻറ് ബസ്സ് പാർക്കിങ്ങ് ഏരിയയിലും, ബിനി ടൂറിസ്റ്റ് ഹോമിനു സമീപത്തുള്ള പള്ളിത്താമം പാർക്കിങ്ങ് ഗ്രൌണ്ടിലും പാർക്ക് ചെയ്യേണ്ടതാണ്. 

2. കൊടുങ്ങല്ലൂർ, ഇരിങ്ങാലക്കുട, ചാലക്കുടി, പുതുക്കാട്, എന്നിവിടങ്ങളിൽ നിന്നും വരുന്ന വാഹനങ്ങൾ ശക്തൻ സ്റ്റാൻറിനു സമീപത്തുള്ള കോർപ്പറേഷൻ ഗ്രൗണ്ടിലും ഇക്കണ്ട വാര്യർ റോഡിലുള്ള ജോസ്. ആലൂക്കാസ് കൺവെൻഷൻ ഗ്രൗണ്ടിലും പാർക്ക് ചെയ്യേണ്ടതാണ്.

3. നാട്ടിക, മണലൂർ, ഗുരുവായ്യൂർ, ഒല്ലൂർ, തൃശ്ശൂർ എന്നിവിടങ്ങളിൽ നിന്നും വരുന്ന വാഹനങ്ങൾ തൃശ്ശൂർ തേക്കിൻ കാട് മൈതാനത്തിൽ നായ്ക്കനാൽ ഭാഗത്ത് പാർക്ക്‌ ചെയ്യേണ്ടതാണ്

വാർഷികാഘോഷ പരിപാടികൾക്കായി എത്തുന്ന വാഹനങ്ങൾ കഴിവതും 3.00 മണക്കു മുൻപായിതന്നെ എത്തി പാർക്ക് ചെയ്യേണ്ടതാണ്.

ട്രാഫിക്ക് ക്രമീകരണങ്ങൾ ചുവടെ ചേർക്കുന്നു.

പാലക്കാട്, പീച്ചി തുടങ്ങി കിഴക്കൻ മേഖലയിൽ നിന്ന് സർവ്വീസ് നടത്തുന്ന ബസ്സുകൾ പുളിക്കൻ മാർക്കറ്റ് സെൻററിൽ നിന്നും ഇടത്തോട്ട് തിരിഞ്ഞ് മിഷൻ ആശുപത്രി മുൻവശം, ഫാത്തിമ നഗർ, ITC ജംഗ്ഷൻ, ഇക്കണ്ടവാര്യർ റോഡ് വഴി ശക്തൻ തമ്പുരാൻ സ്റ്റാൻഡിൽ പ്രവേശിച്ച് തിരികെ മിഷൻ ക്വാർട്ടേഴ്സ്, കാട്ടുക്കാരൻ ജംഗ്ഷൻ, ശവക്കോട്ട, ഫാത്തിമ നഗർ ജംഗ്ഷൻ വഴി സർവ്വീസ് നടത്തേണ്ടതാണ്.

മാന്ദാമംഗലം, പുത്തൂർ വലക്കാവ് തുടങ്ങിയ ഭാഗത്ത് നിന്ന് സർവ്വീസ് നടത്തുന്ന ബസ്സുകൾ ഫാത്തിമ നഗർ, ITC ജംഗ്ഷനിൽ നിന്ന് ഇടത്തോട്ട് തിരിഞ്ഞ് ഇക്കണ്ടവാര്യർ റോഡ് വഴി ശക്തൻ തമ്പുരാൻ സ്റ്റാൻഡിൽ പ്രവേശിച്ച് തിരികെ മിഷൻ ക്വാർട്ടേഴ്സ്, ഫാത്തിമ നഗർ ജംഗ്ഷൻ വഴി സർവ്വീസ് നടത്തേണ്ടതാണ്.

മണ്ണുത്തി ഭാഗത്ത് നിന്നും സർവ്വീസ് നടത്തുന്ന ബസ്സുകൾ കിഴക്കേകോട്ടയിൽ നിന്ന് വലത്തോട്ട് തിരിഞ്ഞ് ബിഷപ്പ് പാലസ്, ചെമ്പുക്കാവ്, രാമനിലയം, അശ്വനി ജംഗ്ഷൻ വഴി വടക്കേസ്റ്റാൻഡിൽ പ്രവേശിച്ച് തിരികെ സ്റ്റേഡിയം ജംഗ്ഷൻ വഴി സർവ്വീസ് നടത്തേണ്ടതാണ്.

മുക്കാട്ടുക്കര, നെല്ലങ്കര ഭാഗത്ത് നിന്ന് സർവ്വീസ് നടത്തുന്ന ബസ്സുകൾ ബിഷപ്പ് പാലസ്' എത്തി വലത്തോട്ട് തിരിഞ്ഞ് ചെമ്പൂക്കാവ് ജംഗ്ഷൻ, രാമനിലയം, അശ്വനി ജംഗ്ഷൻ വഴി വടക്കേ സ്റ്റാൻഡിൽ പ്രവേശിച്ച് ഇൻഡോർ സ്റ്റേഡിയം ജംഗ്ഷൻ വഴി തിരികെ സർവ്വീസ് നടത്തേണ്ടതാണ്.

ചേലക്കര, വടക്കാഞ്ചേരി, ഒറ്റപ്പാലം, പഴയന്നൂർ, തിരുവില്വാമല എന്നീ ഭാഗത്ത് നിന്ന് സർവ്വീസ് നടത്തുന്ന ബസ്സുകൾ പെരിങ്ങാവ് എത്തി കോലോത്തുംപാടം റോഡ്' വഴി അശ്വനി ജംഗ്ഷനിലൂടെ വടക്കേസ്റ്റാൻഡിൽ പ്രവേശിച്ച് തിരികെ സാധാരണ പോലെ സർവ്വീസ് നടത്തേണ്ടതാണ്.

മെഡിക്കൽ കോളേജ്, അത്താണി, കൊട്ടേക്കാട് എന്നീ ഭാഗത്ത് നിന്ന് സർവ്വീസ് നടത്തുന്ന ബസ്സുകൾ പെരിങ്ങാവ് എത്തി കോലോത്തുംപാടം റോഡ് വഴി അശ്വനി ജംഗ്ഷനിലൂടെ വടക്കേസ്റ്റാൻഡിൽ പ്രവേശിച്ച് തിരികെ സാധാരണ പോലെ സർവ്വീസ് നടത്തേണ്ടതാണ്.

ചേറ്റൂർ, പള്ളിമൂല, മാറ്റാമ്പുറം, കണ്ടുക്കാട് ഭാഗത്ത് നിന്ന് സർവ്വീസ് നടത്തുന്ന ബസ്സുകൾ ബാലഭവൻ വഴി ചെമ്പൂക്കാവ് ജംഗ്ഷനിൽ എത്തി വലത്തോട്ട് തിരിഞ്ഞ് രാമനിലയം - ഇൻഡോർ സ്റ്റേഡിയം ജംഗ്ഷൻ വഴി അശ്വനി ജംങ്ഷനിലൂടെ വടക്കേസ്റ്റാൻഡിൽ പ്രവേശിക്കേണ്ടതും, ഇൻഡോർ സ്റ്റേഡിയം ജംഗ്ഷൻ വഴി തിരികെ സർവ്വീസ് നടത്തേണ്ടതുമാണ്.

കുന്ദംകുളം, കോഴിക്കോട്, ഗുരുവായൂർ, അടാട്ട്, തുടങ്ങി പൂങ്കുന്നും വഴി വരുന്ന എല്ലാ ബസ്സുകളും പൂങ്കുന്നത്ത് റൂട്ട് അവസാനിപ്പിച്ച് പടിഞ്ഞാറേക്കോട്ട, അയ്യന്തോൾ സിവിൽ ലൈൻ, അയ്യന്തോൾ ഗ്രൗണ്ട്. ലുലു ജംഗ്ഷൻ വഴി തിരികെ സർവ്വീസ് നടത്തേണ്ടതാണ്.

വാടാനപ്പിള്ളി, അന്തിക്കാട്, കാഞ്ഞാണി, തുടങ്ങി പടിഞ്ഞാറേ കോട്ട വഴി വരുന്ന എല്ലാ ബസ്സുകളും വെസ്റ്റ് ഫോർട്ടിൽ നിന്ന് കാൽവരി റോഡ് വഴി തിരിഞ്ഞ് തോപ്പിൻ മൂല നേതാജി ഗ്രൗണ്ട് പരിസരം മുതൽ വെസ്റ്റ് ഫോർട്ട് വരെയുള്ള ഭാഗത്ത് റൂട്ട് അവസാനിപ്പിച്ച് തിരികെ പടിഞ്ഞാറേ കോട്ട വഴി തിരിഞ്ഞ്- സർവ്വീസ് നടത്തേണ്ടതാണ്

കൊടുങ്ങല്ലൂർ, ഇരിങ്ങാലക്കുട, തൃപ്രയാർ, ചേർപ്പ് തുടങ്ങി കൂർക്കഞ്ചേരി വഴി വരുന്ന എല്ലാ ബസ്സുകളും ബാല്യ ജംഗ്ഷനിൽ എത്തി വലത്തോട്ട് തിരിഞ്ഞ് ശക്തൻ തമ്പുരാൻ സ്റ്റാൻഡിൽ പ്രവേശിച്ച് അവിടെ നിന്നു തിരികെ കണ്ണം കുളങ്ങര, ചിയ്യാരം കൂർക്കഞ്ചേരി വഴി സർവ്വീസ് നടത്തേണ്ടതാണ്. ഈ സമയം കണ്ണംകുളങ്ങര കസ്തൂർബാ ഹോസ്പിറ്റൽ ജംഗ്ഷനിൽ നിന്നും വാഹനങ്ങൾ ശക്തൻ പ്രവേശിക്കാൻ പാടില്ലാത്തതാണ്. സ്റ്റാൻഡിലേക്ക്

കൊടുങ്ങല്ലൂർ, ഇരിങ്ങാലക്കുട, തൃപ്രയാർ, ചേർപ്പ് തുടങ്ങി കൂർക്കഞ്ചേരി വഴി വന്ന് വെസ്റ്റ് ഫോർട്ട് വഴി പോകേണ്ട ചെറു വാഹനങ്ങൾ കൂർക്കഞ്ചേരിയിൽ നിന്നും ഇടത്തോട്ട് തിരിഞ്ഞ് വടുക്കര അരണാട്ടുക്കര വഴി പോകേണ്ടതാണ്

കൊടുങ്ങല്ലൂർ, ഇരിങ്ങാലക്കുട, തൃപ്രയാർ, ചേർപ്പ് തുടങ്ങി കൂർക്കഞ്ചേരി വഴി വന്ന് മണ്ണുത്തി ഭാഗത്തേക്ക് പോകേണ്ട ചെറു വാഹനങ്ങൾ കൂർക്കഞ്ചേരിയിൽ നിന്നും വലത്തോട്ട് തിരഞ്ഞ് ചിയ്യാരം വഴി പോകേണ്ടതാണ്

ഒല്ലൂർ, ആമ്പല്ലൂർ, വരന്തരപ്പിള്ളി തുടങ്ങിയ ഭാഗത്ത് നിന്നും വരുന്ന ബസ്സുകൾ മുണ്ടുപാലം ജംഗ്ഷനിൽ എത്തി ഇടത്തോട്ട് തിരിഞ്ഞ് ശക്തൻ സ്റ്റാൻഡിൽ സർവ്വീസ് അവസാനിപ്പിച്ച് തിരികെ കാട്ടുക്കാരൻ ജംഗ്ക്ഷൻ വഴി സർവ്വീസ് നടത്തണ്ടതാണ്.

മണ്ണുത്തി, പാലക്കാട്, എറണാകുളം ഭാഗത്തേക്ക് പോകുന്ന ബസും.ട്രെയിലർ ഒഴികെയുള്ള വാഹനങ്ങൾ പെൻഷൻ മൂല വഴി താഴോട്ടിറങ്ങി നെല്ലങ്കര, മുക്കാട്ടുക്കര വഴി സർവ്വീസ് നടത്തേണ്ടതാണ്.

കുന്നംകുളം ഭാഗത്ത് നിന്ന് പാലക്കാട് ഭാഗത്തേക്ക് പോകുന്ന ബസ്, ട്രയിലർ ഒഴിച്ചുള്ള എല്ലാ വാഹനങ്ങളും മുണ്ടൂർ തിരിഞ്ഞ് കൊട്ടേക്കാട് . വിയ്യൂർ പാലം വഴി Power House വന്ന് പൊങ്ങണക്കാട്, ചിറക്കോട് മുണ്ടത്തിക്കോട് വഴി പോകേണ്ടതാണ്.

കുന്നംകുളം ഭാഗത്ത് നിന്ന് എറണാകുളം ഭാഗത്തേക്ക് പോകുന്ന ബസ്സ് ട്രയിലർ ഒഴിച്ചുള്ള എല്ലാ വാഹനങ്ങളും മുണ്ടൂർ തിരിഞ്ഞ് കൊട്ടേക്കാട് വിയ്യൂർ പാലം വഴി പവർ ഹൌസ് വന്ന് പൊങ്ങണേങ്ങാട് മുക്കാട്ടുക്കര വഴി പോകേണ്ടതാണ്.

കണിമംഗലം ഭാഗത്തുനിന്ന് പടിഞ്ഞാറേകോട്ട ഭാഗത്തേക്ക് പോകുന്ന എല്ലാ ലൈറ്റ് വെഹിക്കിൾസും നെടുപുഴ പോലീസ് സ്റ്റേഷൻ വഴി തിരിഞ്ഞ് വടൂക്കര തോപ്പിൻമൂല വഴി പോകേണ്ടതാണ്.

ചിയ്യാരം ഭാഗത്തുനിന്ന് പടിഞ്ഞാറേ കോട്ട ഭാഗത്തേക്ക് പോകുന്ന എല്ലാ ലൈറ്റ് വെഹിക്കൾസും കൂർക്കഞ്ചേരി സെൻററിൽ നിന്നും ഇടതുവശത്തേക്ക് തിരിഞ്ഞ് നെടുപുഴ പോലീസ് സ്റ്റേഷൻ വഴി തിരിഞ്ഞ് വടൂക്കര തോപ്പിൻമൂല വഴി പോകേണ്ടതാണ്. ഈ സമയം നെടുപുഴ പോലീസ് സ്റ്റേഷൻ റോഡ് വൺ വേ ആയിരിക്കും.

ജൂബിലി ജംഗ്ഷൻ വഴി വരുന്ന കൂർക്കഞ്ചേരി പോകുന്ന എല്ലാ ലൈറ്റ് വെഹിക്കിൾസും മിഷൻ കോട്ടേഴ്സ് വഴി ബിഷപ്പ് ആലപ്പാട് റോഡ് വഴി തിരിഞ്ഞ് സെമിത്തേരി റോഡ് വഴി ചിയ്യാരം ജംഗ്ഷനിലെത്തി കൂർക്കഞ്ചേരിക്ക് പോകേണ്ടതാണ്.

കെ എസ് ആർ ടി സി സർവ്വീസുകൾ

കെ എസ് ആർ ടി സി സ്റ്റാൻഡിൽ നിന്ന് ചാലക്കുടി എർണാകുളം ഭാഗത്തേക്ക് സർവ്വീസ് നടത്തുന്ന എല്ലാ ബസ്സുകളും കണ്ണങ്കുളങ്ങര ചിയ്യാരം വഴി സർവ്വീസ് നടത്തേണ്ടതാണ്.

പടിഞ്ഞാറൻ മേഖലയിൽ നിന്നുവരുന്ന എല്ലാ കെ എസ് ആർ ടി സി ബസ്സുകളും പൂങ്കുന്നം ജംഗഷനിൽ നിന്ന് വലത്തോട്ടു തിരിഞ്ഞ് ശങ്കരയ്യർ റോഡിലൂടെ പൂത്തോൾവഴി കെ എസ് ആർ ടി സി സ്റ്റാൻഡിൽ പ്രവേശിക്കേണ്ടതാണ്.

അങ്കമാലി, ചാലക്കുടി, പുതുക്കാട്, ഇരിങ്ങാലക്കുട ഭാഗത്തേക്ക് സർവ്വീസ് നടത്തുന്ന ഓർഡിനറി കെ എസ് ആർ ടി സി ബസ്സുകൾ ശക്തൻതമ്പുരാൻ സ്റ്റാൻഡിൽ താൽകാലികമായി ആരംഭിക്കുന്ന ബസ് സ്റ്റാൻഡിൽ സർവ്വീസ് അവസാനിപ്പിച്ച് തിരികെ അവിടെനിന്നുതന്നെ സർവ്വീസ് നടത്തേണ്ടതാണ്.

ഷൊർണ്ണൂർ വഴിക്കടവ് മെഡിക്കൽകോളേജ് ഭാഗത്തേക്ക് സർവ്വീസ് നടത്തുന്ന കെ എസ് ആർ ടി സി ബസ്സുകൾ സ്വരാജ് റൌണ്ടിൽ പ്രവേശിക്കാതെ െഎ ടി സി ജംഗ്ഷൻ ഈസ്റ്റ് ഫോർട്ട്, അശ്വിനി ജംഗ്ഷൻ, കോലോത്തുംപാടം വഴി സർവ്വീസ് നടത്തേണ്ടതാണ്.