മലങ്കര മാർത്തോമ്മാ സുറിയാനി സഭയുടെ 23-ാമത് കുന്നംകുളം സെന്റർ കൺവെൻഷന് തുടക്കമായി.നാലു ദിവസങ്ങളിലായി നടക്കുന്ന മലങ്കര മാർത്തോമ്മാ സുറിയാനി സഭയുടെ 23-മത് കുന്നംകുളം സെൻ്റർ കൺവെൻഷന് അക്കിക്കാവ് ദീനബന്ധു മിഷൻ സെന്ററിൽ തുടക്കമായി. സെൻറർ ഗായക സംഘത്തിന്റെ ഗാന ശുശ്രൂഷയോടെ ആരംഭിച്ച കൺവെൻഷൻ മലബാർ സ്വതന്ത്ര സുറിയാനി സഭ പരമാദ്ധ്യക്ഷൻ സിറിൾ മാർ ബസേലിയോസ് മെത്രാപ്പോലീത്ത ഉദ്ഘാടനം ചെയ്തു. മാർത്തോമ്മാ സഭയുടെ കുന്നംകുളം - മലബാർ ഭദ്രാസനാധിപൻ ഡോക്ടർ മാത്യൂസ് മാർ മക്കാറിയോസ് എപ്പിസ്കോപ്പ അദ്ധ്യക്ഷത വഹിച്ചു. തൃശൂർ ഇടവക വികാരി റവൻ്റ് ഫാദർ സജു ചാക്കോ മതിലുങ്കൽ മുഖ്യ പ്രഭാഷണം നടത്തി.
