മലയാളി സുഹൃത്തിൻ്റെ വീട്ടിൽ നിന്ന് സഹപാഠി യുവതി 36 പവൻ സ്വർണ്ണംമോഷ്ടിച്ചു ആന്ധ്ര സ്വദേശി പിടിയിൽ.
സുഹൃത്തിന്റെ വീട്ടിൽ നിന്ന് 36 പവൻ സ്വർണ്ണം കവർന്ന യുവതി പിടിയിൽ. ആന്ധ്രാപ്രദേശ് വിജയവാഡ സ്വദേശി സൗജന്യയാണ് പിടിയിലായത്. ബേപ്പൂർ നടുവട്ടം ഇൻഡസ്ട്രിയൽ എസ്റ്റേറ്റ് റോഡിലെ ഇടശ്ശേരി പറമ്പ് കാടക്കണ്ടി ശിവരാമ ന്റെ വീട്ടിൽ നിന്നാണ് സൗജന്യ 36 പവൻ സ്വർണം കവർന്നത്. വീട്ടുടമയുടെ മകൻ അമൃതേഷിൻ്റെ ഭാര്യ ഗായത്രിയുടെ സുഹൃത്തും സഹപാഠിയുമാണ്. കഴിഞ്ഞ മെയ്-ജൂലൈ മാസത്തിനിടയിലാണ് സൗജന്യ കൂട്ടുകാരിയുടെ വീട്ടിൽനിന്ന് സ്വർണം കവർന്നത്. ഇരുവരും ബെംഗളൂരുവിലെ സ്വകാര്യ കോളജിൽ എം എസ് സി സൈക്കോളജി വിദ്യാർഥികളാണ്. പ്രോജക്ട് തയാറാക്കുന്നതിനുവേണ്ടി യുവതി കു റച്ചുദിവസം ഇവരുടെ വീട്ടിൽ താമസിച്ചിരുന്നു. സ്വർണം ന ഷ്ടപ്പെട്ട വിവരം ഓഗസ്റ്റ് മാസത്തിലാണ് വീട്ടുകാരുടെ ശ്രദ്ധയിൽപ്പെടുന്നത്. പിന്നീട് ബേപ്പൂർ പൊലീസിൽ കേസ് കൊടുക്കുകയും ചെയ്തു. അന്വേഷണത്തിന് പിന്നാലെ പ്ര തിയെ വെള്ളിയാഴ്ച മുംബൈയിൽനിന്ന് അറസ്റ്റ് ചെയ്യുകയായിരുന്നു. മോഷ്ടിച്ച സ്വർണം വിജയവാഡയി ലും ബെംഗളൂരുവിലും സ്വകാര്യ ബാങ്കുകളിൽ പണയം വെ ച്ചിട്ടുണ്ടെന്ന് പൊലീസ് പറഞ്ഞു. കോടതിയിൽ ഹാജരാ ക്കിയ പ്രതിയെ റിമാൻഡ് ചെയ്തു.
