കെഎസ്ആർടിസി ബസിൽ വിദ്യാർത്ഥിനിക്ക് നേരെ അതിക്രമം നടത്തിയ കണ്ടക്ടറെ പൊലീസ് അറസ്റ്റ് ചെയ്തു. ഈസ്റ്റ് ഒറ്റപ്പാലത്തുവെച്ചാണ് ഗുരുവായൂർ സ്വദേശിയായ പെൺകുട്ടിക്കുനേരെ അതിക്രമമുണ്ടായത്. ഇന്നലെ രാത്രി കോയമ്പത്തൂർ-ഗുരുവായൂർ കെഎസ്ആർടിസി ബസിലാണ് പെൺകുട്ടിക്ക് ദുരനുഭവമുണ്ടായത്.
പെൺകുട്ടിയുടെ പരാതിയുടെ അടിസ്ഥാനത്തിൽ ഒറ്റപ്പാലം പൊലീസ് കേസെടുക്കുകയും ബസ് കണ്ടക്ടറെ കസ്റ്റഡിയിലെടുക്കുകയും ചെയ്തു. വിദ്യാർത്ഥിനി ഉടൻ തന്നെ പൊലീസിന്റെ ഔദ്യോഗിക നമ്പറിൽ വിളിച്ച് പരാതിപ്പെടുകയായിരുന്നു. പട്ടാമ്പിയിൽവെച്ചാണ് കണ്ടക്ടറെ പൊലീസ് പിടികൂടിയത്.
