കടവല്ലൂർ അന്യോന്യത്തിന് നവംബർ 15 ന് തുടക്കമാകുമെന്ന് ഭാരവാഹികൾ വാർത്താ സമ്മേളനത്തിൽ അറിയിച്ചു. വേദ പരീക്ഷയായ കടവല്ലൂർ അന്യോന്യം നവംബർ 15 മുതൽ 26 വരെയുള്ള ദിവസങ്ങളിൽ കടവല്ലൂർ ശ്രീരാമസ്വാമി ക്ഷേത്രാങ്കണത്തിലാണ് നടക്കുന്നത്. പരമ്പരാഗതമായി ഋഗ്വേദ്വപഠനം നടത്തുന്ന തൃശൂർ ബ്രഹ്മസ്വം മഠവും, തിരുനാവായ ബ്രമ്മസ്വം മഠവും മാറ്റുരയ്ക്കുന്ന വേദ പരീക്ഷയായ അന്യോനത്തിൻ്റെ ഉദ്ഘാടനം നവംബർ 16 ന് കേരള ഗവർണ്ണർ ആർ.വി.ആർലേക്കർ നിർവ്വഹിക്കും. കൊച്ചിൻ ദേവസ്വം ബോർഡ് പ്രസിഡണ്ട് കെ. രവീന്ദ്രൻ അധ്യക്ഷത വഹിക്കുന്ന ചടങ്ങിൽ കേരള ആരോഗ്യ സർവ്വകലാശാല വൈസ് ചാൻസലർ ഡോ. മോഹൻ കുന്നുമ്മൽ കൊച്ചിൻ ദേവസ്വം ബോർഡ് അംഗങ്ങളായ കെ.പി. അജയൻ, കെ.കെ. സുരേഷ് ബാബു എന്നിവർ സംബന്ധിക്കും..
