പരാതിക്കാരും മോഹൻലാലും തമ്മിൽ നേരിട്ട് യാതൊരു ഇടപാടും നടന്നിട്ടില്ലെന്ന് കോടതി നിരീക്ഷിച്ചു. ഒരു ബ്രാൻഡ് അംബാസഡർ എന്ന നിലയിൽ സ്ഥാപനത്തിൻ്റെ സേവനങ്ങളെ പരിചയപ്പെടുത്തുക മാത്രമാണ് അദ്ദേഹം ചെയ്തത്. പരസ്യത്തിലെ വാഗ്ദാനങ്ങൾ നടപ്പിലാക്കുന്നതിൽ വീഴ്ച സംഭവിച്ചാൽ അതിൻ്റെ പൂർണ്ണ ഉത്തരവാദിത്തം ബന്ധപ്പെട്ട സ്ഥാപനത്തിനാണെന്നും കോടതി ചൂണ്ടിക്കാട്ടി. മോഹൻലാലിനെ കേസിൽ നിന്ന് ഒഴിവാക്കാൻ നേരത്തെ ജില്ലാ-സംസ്ഥാന ഉപഭോക്തൃ കമ്മീഷനുകൾ വിസമ്മതിച്ചിരുന്നു. ഇതിനെതിരെ താരം നൽകിയ ഹർജിയിലാണ് ഹൈക്കോടതിയുടെ അനുകൂല വിധി.
