അങ്കമാലിയിൽ ബി.കോം വിദ്യാർത്ഥിനി ജസ്ലിയ ജോൺസൺ വാഹനാപകടത്തിൽ മരിച്ച കേസിൽ പ്രതിയായ ഡോ. സിറിയക് ജോർജ് ഇന്ന് (മാർച്ച് 6, 2026) ഉച്ചയോടെ അറസ്റ്റിലായി. ഇടുക്കിയിലെ വാഗമണ്ണിലുള്ള ഒരു റിസോർട്ടിൽ ഒളിവിൽ കഴിയവേയാണ് ഇയാളെ പോലീസ് പിടികൂടിയത്ഒളിവിൽ പോയി ആറാം ദിവസമാണ് സിറിയക് പിടിയിലാകുന്നത്. ഇതിന് തൊട്ടുമുമ്പ് ഇയാളെ ഒളിവിൽ പോകാൻ സഹായിച്ചതിന് പിതാവ് ജോർജ് മാത്യുവിനെ പോലീസ് അറസ്റ്റ് ചെയ്തിരുന്നു.ഫെബ്രുവരി 28-ന് അങ്കമാലി ടെൽക് ജംഗ്ഷനിൽ വെച്ച് സിറിയക് ഓടിച്ച ലക്ഷ്വറി എസ്യുവി (Mahindra XUV 700) ഇടിച്ചാണ് ജസ്ലിയയ്ക്ക് ഗുരുതരമായി പരിക്കേറ്റത്. അപകടത്തിന് ശേഷം വാഹനം നിർത്താതെ പോയിരുന്നു.
