മുണ്ടത്തിക്കോട് വെടിക്കെട്ട് ദുരന്തത്തിന് പിന്നാലെ റമേക്കാവ് ദേവസ്വത്തിനുവേണ്ടി വെടിക്കെട്ട് സാമഗ്രികള് നിര്മ്മിച്ചിരുന്ന പടക്ക നിര്മ്മാണശാലയ്ക്ക് സ്റ്റോപ്പ് മെമ്മോ. ജില്ലാ കളക്ടര് ആണ് സ്റ്റോപ്പ് മെമ്മോ നല്കിയത്. പാലക്കാട് മുതലമട വെള്ളാരംകടവിലുള്ള വെടിമരുന്ന് നിര്മ്മാണശാലയ്ക്കാണ് സ്റ്റോപ്പ് മെമ്മോ നല്കിയത്. ജില്ലാ കളക്ടറുടെ നിര്ദ്ദേശപ്രകാരം ചിറ്റൂര് തഹസില്ദാര് ആര് രാമചന്ദ്രനാണ് സ്റ്റോപ്പ് മെമ്മോ നല്കിയത്.
വലയി തോതില് പടക്ക നിര്മാണം നടക്കുന്നയിടമാണ് പാലക്കാട് മുതലമട വെള്ളാരംകടവിലുള്ള വെടിമരുന്ന് നിര്മ്മാണശാല. ചിറ്റൂര് തഹസില്ദാര് പടക്ക നിര്മാണ ശാല സന്ദര്ശിച്ച് സ്ഥിതി?ഗതികള് വിലയിരുത്തിയശേഷമാണ് സ്റ്റോപ്പ് മെമ്മോ നല്കിയിരിക്കുന്നത്. തൃശൂര് പൂരം നടത്തിപ്പില് ജനവികാരം കണക്കിലെടുക്കുമെന്ന് പാറമേക്കാവ് ദേവസ്വം അറിയിച്ചിരുന്നു. സര്ക്കാരിന്റെയും ജില്ലാ ഭരണകൂടത്തിന്റെയും തീരുമാനം അംഗീകരിക്കുമെന്ന് പാറമേക്കാവ് ദേവസ്വം സെക്രട്ടറി ജി രാജേഷ് പറഞ്ഞു.
പൂരം നടത്തിപ്പില് വ്യാഴാഴ്ച രാവിലെ പത്തരയ്ക്ക് യോഗം ചേരുമെന്ന് ദേവസ്വംമന്ത്രി വി എന് വാസവന് അറിയിച്ചിരുന്നു. യോഗം വിളിക്കാന് ഹൈക്കോടതി അനുമതി നല്കി. പാറമേക്കാവ് തിരുവമ്പാടി ദേവസങ്ങളുടെ അഭിപ്രായം കേട്ട് തീരുമാനമെടുക്കുമെന്നും മന്ത്രി വ്യക്തമാക്കിയിരുന്നു.
