ഡല്ഹി-എന്സിആറില് സിഎന്ജി വില കിലോഗ്രാമിന് 3.89 രൂപ വര്ധിപ്പിച്ച് ഇന്ദ്രപ്രസ്ഥ ഗ്യാസ് ലിമിറ്റഡ് (ഐജിഎല്). ദ്രവീകൃത പ്രകൃതിവാതകത്തിന്റെ (എല്എന്ജി) ഇറക്കുമതി ചെലവ് വര്ധിച്ചതിനെ പിന്നാലെയാണ് നീക്കം. ഇന്ന് മുതല് പുതുക്കിയ വില പ്രാബല്യത്തില് വരും. ഐജിഎല് സര്വീസ് നടത്തുന്ന എല്ലാ മേഖലകള്ക്കും ഈ വിലവര്ധനവ് ബാധകമാണ്.
ഡല്ഹി കിലോഗ്രാമിന് 86.98 രൂപയാണ് സിഎന്ജിയുടെ വില. ഈ വര്ഷം സിഎന്ജി വിലയിലെ അഞ്ചാമത്തെ വര്ധനവാണിത്. പശ്ചിമേഷ്യന് സംഘര്ഷത്തിനിടയില് ആഗോളതലത്തില് ഊര്ജ്ജ വിലയിലുണ്ടായ വര്ധനവിനെത്തുടര്ന്ന് 10 ദിവസത്തിനുള്ളില് നാല് ഘട്ടങ്ങളിലായി ഐജിഎല് കിലോഗ്രാമിന് 6 രൂപ വര്ധിപ്പിച്ചിരുന്നു. മെയ് മാസത്തിന് ശേഷമുള്ള ആദ്യ വര്ധനവാണിത്.
നോയിഡയിലും ഗാസിയാബാദിലും ഇപ്പോള് സിഎന്ജിയുടെ വില കിലോഗ്രാമിന് 95.59 രൂപയും മീററ്റില് 95.47 രൂപയും ഗുരുഗ്രാമില് 92.01 രൂപയുമാണ്. പെട്രോളും ഡീസലും പോലെ, വ്യത്യസ്ത മൂല്യവര്ധിത നികുതി ഘടനകള് കാരണം സംസ്ഥാനങ്ങളില് സിഎന്ജി വിലകള് വ്യത്യാസപ്പെടാം.
