കൊരട്ടിക്കര ശ്രീ വിഷ്ണു - ഭഗവതി ക്ഷേത്രത്തിൽ കർക്കിടക വാവ് ബലിതർപ്പണത്തിന് ഒരുക്കങ്ങളായി. അമാവാസി ദിനമായ ബുധനാഴ്ച പുലർച്ചെ നാലുമണി മുതൽ നടക്കുന്ന ബലിതർപ്പണ ചടങ്ങുകൾക്ക് ക്ഷേത്രം മേൽശാന്തി അനിൽകുമാർ മേപ്പറബത്ത് കാർമ്മീകത്ത്വം വഹിക്കും. പിതൃമോക്ഷത്തിനായുള്ള ബലിതർപ്പണത്തിന് നൂറുകണക്കിന് ജനങ്ങളാണ് എത്തിച്ചേരാറുള്ളത്. കാലത്ത് 8 മണി വരെ തർപ്പണം നടത്തും. അന്നേ ദിവസം ക്ഷേത്രത്തിൽ പിതൃക്കളുടെ മോക്ഷത്തിനായി നടത്തുന്ന സായൂജ്യ പൂജ, തിലഹവനം, താമരമാല ചാർത്തൽ, പാൽപ്പായസ നിവേദ്യം എന്നീ പ്രത്യേക വഴിപാടുകളും നടത്താവുന്നതാണ്. ചടങ്ങുകൾക്ക് ക്ഷേത്രം ഭരണസമിതി, മാതൃസമിതി, താല കമ്മിറ്റി എന്നിവർ നേതൃത്വം നൽകും
