ഇന്ന് ഉച്ചയ്ക്ക് ഒന്നരയോടെയായിരുന്നു അപകടം. കോഴിക്കോട് ഭാഗത്തുനിന്ന് കുന്നംകുളത്തേക്ക് അമിതവേഗതയിൽ വന്ന സ്വകാര്യ ബസ് നിയന്ത്രണം വിട്ട് ബൈക്ക്, ഓട്ടോറിക്ഷ, മിനി വാൻ എന്നിവയിൽ ഇടിച്ച ശേഷം സമീപത്തെ സ്വകാര്യ വ്യക്തിയുടെ വീട്ടുമതിൽ തകർത്ത് മുറ്റത്തേക്ക് കയറി നിൽക്കുകയായിരുന്നു.
കുന്നംകുളം–കോഴിക്കോട് പാതയിൽ സ്വകാര്യ ബസുകളുടെ അമിതവേഗതയും അപകടകരമായ ഡ്രൈവിംഗും പതിവാകുന്നതിൽ ശക്തമായ പ്രതിഷേധമാണ് പ്രദേശവാസികൾ ഉയർത്തുന്നത്. ഇത്തരം ദുരന്തങ്ങൾ ആവർത്തിക്കാതിരിക്കാൻ കുറ്റക്കാർക്കെതിരെ ശക്തമായ നടപടി വേണമെന്ന് നാട്ടുകാർ ആവശ്യപ്പെട്ടു..
