ശ്രീഗുരുവായൂരപ്പന് വഴിപാടായി സ്റ്റേറ്റ് ബാങ്ക് ഓഫ് ഇന്ത്യ മിനി ബസ് സമർപ്പിച്ചു. ഇന്നലെ വൈകിട്ട് 5 മണിയോടെ ഗുരുവായൂർ ക്ഷേത്രം കിഴക്കേ ഗോപുര കവാടത്തിന് മുന്നിൽ നടന്ന ചടങ്ങിലായിരുന്നു വാഹന സമർപ്പണം.
ക്ഷേത്ര നടയിൽ നടന്ന വാഹനപൂജയ്ക്ക് ശേഷം, എസ്.ബി.ഐ ചെയർമാൻ സി.എസ്. സെട്ടി മിനി ബസിന്റെ താക്കോലും അനുബന്ധ രേഖകളും ഗുരുവായൂർ ദേവസ്വം ചെയർമാൻ എ.വി. ഗോപിനാഥിന് കൈമാറി. ഗുരുവായൂർ ദേവസ്വം ഇംഗ്ലീഷ് മീഡിയം സ്കൂളിലെ വിദ്യാർത്ഥികളുടെ യാത്ര സൗകര്യങ്ങൾക്കായാണ് എസ്.ബി.ഐ ഈ മിനി ബസ് സംഭാവനയായി നൽകിയത്.
ചടങ്ങിൽ ദേവസ്വം ഭരണസമിതി അംഗങ്ങളായ ബ്രഹ്മശ്രീ മല്ലിശ്ശേരി പരമേശ്വരൻ നമ്പൂതിരിപ്പാട്, എം.യു. ഷിനിജ, ദേവസ്വം അഡ്മിനിസ്ട്രേറ്റർ എസ്. ഹരിഗോപാൽ എന്നിവരും എസ്.ബി.ഐയെ പ്രതിനിധീകരിച്ച് ചീഫ് ജനറൽ മാനേജർ കെ .വി . ബംഗാർരാജു, ജനറൽ മാനേജർ രാജേഷ് കുമാർ മീണ, ഡി.ജി.എം ദിലീപ് റെഡ്ഡി, റീജിയണൽ മാനേജർ രജിത. ജി, ചീഫ് മാനേജർ കെ. ജയകൃഷ്ണൻ എന്നിവരും പങ്കെടുത്തു.
കൂടാതെ, ഡെപ്യൂട്ടി അഡ്മിനിസ്ട്രേറ്റർമാരായ പ്രമോദ് കളരിക്കൽ (ഫിനാൻസ്), എം. രാധ (ക്ഷേത്രം), കെ.എസ്. മായാദേവി (സ്റ്റോഴ്സ് & പർച്ചേസ്), ദേവസ്വം-ബാങ്ക് ജീവനക്കാർ, ഭക്തജനങ്ങൾ എന്നിവരുടെ സാന്നിധ്യത്തിലാണ് സമർപ്പണ ചടങ്ങുകൾ നടന്നത്.
