താലൂക്ക് ആശുപത്രിയ്ക്ക് ആധുനിക സൗകര്യങ്ങളോട് കൂടിയ ആമ്പുലന്‍സ് വേണമെന്നുള്ളത് ദീര്‍ഘകാലമായുള്ള ആവശ്യങ്ങളിലൊന്നാണ്. 25.88 ലക്ഷം രൂപ ഇതിനായി ആസ്തി വികസന പദ്ധതിയില്‍ നിന്നും അനുവദിച്ചും ഭരണാനുമതി ആയിട്ടുണ്ട്. ജില്ല മെഡിക്കല്‍ ഓഫീസറാണ് ഈ പദ്ധതിയുടെ നിര്‍വ്വഹണം.
താലൂക്കാശുപത്രിയുടെ അടിസ്ഥാന സൗകര്യങ്ങളുടെ വലിയ വികസനപദ്ധതികളോടൊപ്പം ദൈനംദിന ആവശ്യങ്ങള്‍ നടപ്പിലാക്കുന്ന ഇത്തരം പദ്ധതികള്‍ കൂടി യാഥാര്‍ത്ഥ്യമാകുമ്പോഴാണ് ആശുപത്രിയുടെ സമഗ്ര വികസനം സാധ്യമാവുക. എത്രയും വേഗം ഈ പദ്ധതികള്‍ പൂര്‍ത്തിയാക്കുമെന്ന് എംഎല്‍എ അറിയിച്ചു.
