കാല്ക്കുലസ് കണ്ടുപിടിക്കുന്നതിനും, ആദ്യത്തെ പ്രായോഗിക പ്രതിഫലന ദൂരദര്ശിനി നിര്മ്മിക്കുന്നതിനും, പ്രകാശ സിദ്ധാന്തം വികസിപ്പിക്കുന്നതിനും കാരണക്കാരനായ സര് ഐസക് ന്യൂട്ടന്റെ പല്ലുകളിലൊന്ന് 1816 ലാണ് 3,633 ഡോളറിന് ലണ്ടനില് ലേലത്തില് പോയത്. വിദഗ്ദരുടെ അഭിപ്രായമനുസരിച്ച് ഇന്ന് ആ പല്ലിന് ഏകദേശം 35,700 ഡോളര് വരും അതായത് 30.03 ലക്ഷം രൂപ ലേലത്തില് പല്ല് സ്വന്തമാക്കിയ വ്യക്തി അത് ഒരു മോതിരത്തിൽ പതിപ്പിക്കുകയാണുണ്ടായത്. ആഗോള ചരിത്രത്തിലെ ഏറ്റവും ആദരണീയനായ ശാസ്ത്രജ്ഞരിലൊരാളായ സര് ഐസക് ന്യൂട്ടന്റെ പല്ലാണ് ഇതുവരെ വിറ്റഴിച്ചതില് വച്ച് ഏറ്റവും വിലപിടിപ്പുള്ള പല്ലായി ഗിന്നസ് വേള്ഡ് റെക്കോഡ്സിലും രേഖപ്പെടുത്തിയിട്ടുള്ളത്.
