സ്കൂട്ടറിന് പിന്നിലിരിക്കുകയായിരുന്നു നേഹ. സ്കൂട്ടര് യാത്രക്കാരൻ ഡിവൈഡറിന് സമീപത്ത് വെച്ച് സ്കൂട്ടര് വലത്തോട്ട് തിരിക്കുന്നതിനിടെ പിന്നില് നിന്ന് വന്ന ക്രെയിൻ സ്കൂട്ടറില് ഇടിക്കുന്നത് ദൃശ്യങ്ങളില് വ്യക്തമാണ്. ക്രെയിൻ സ്കൂട്ടറില് ഇടിച്ചതോടെ നേഹ റോഡിലേക്ക് വീണു.
ഇതോടെ ക്രെയിന്റെ പിൻചക്രവും നേഹയുടെ ശരീരത്തിലിടിച്ചു. സ്കൂട്ടര് ഓടിച്ചിരുന്നയാള് മുന്നോട്ട് വീണതിനാല് രക്ഷപ്പെടുകയായിരുന്നു. സംഭവം നടന്ന ഉടൻ തന്നെ ഗുരുതരമായി പരിക്കേറ്റ നേഹയെ ആശുപത്രിയില് എത്തിച്ചെങ്കിലും രക്ഷിക്കാനായില്ല. റോഡിലൂടെ വേഗത്തില് ക്രെയിൻ ഓടിച്ചുപോകുന്നതും ദൃശ്യത്തില് കാണാം. അല്ഷിഫാ നഴ്സിങ് കോളേജിലെ മൂന്നാം വർഷ നഴ്സിംഗ് വിദ്യാർത്ഥിയാണ് മരിച്ച നേഹ.
