54 ലക്ഷം രൂപയുടെ വാട്ടർ ബില്ല്: പിഴവ് സമ്മതിച്ച് വാട്ടർ അതോറിറ്റി
പാലക്കാട്: വാട്ടർ അതോറിറ്റിയുടെ പിഴവ് മൂലം ഉപഭോക്താവിന് ലഭിച്ചത് 54 ലക്ഷം രൂപയുടെ ബില്ല്.
പുതുപ്പള്ളിത്തെരുവ് സ്വദേശി യാസിറിനാണ് ഭീമൻ തുക ബില്ലായി ലഭിച്ചത്. പിന്നാലെ യാസിർ പരാതി ഉയർത്തിയതോടെ ഉദ്യോഗസ്ഥർ വിഷയത്തിൽ പ്രതികരിച്ച് രംഗത്തെത്തി. മീറ്റർ റീഡിംഗിൽ വന്ന പിഴവാണ് കാരണമെന്ന് വാട്ടർ അതോറിറ്റി ഉദ്യോഗസ്ഥർ അറിയിച്ചു.
പിന്നാലെ പുതിയ റീഡിങ് നടത്തി ഉദ്യോഗസ്ഥർ പ്രശ്നം പരിഹരിച്ചു. യാസിറിന്റെ പിതാവിൻ്റെ പേരിലാണ് വാട്ടർ കണക്ഷൻ എടുത്തിരിക്കുന്നത്.
