റോഡ് മുറിച്ച് കടക്കുന്നതിനിടയിൽ കാറിടിച്ച് പരിക്കേറ്റ് ചികിത്സയിലായിരുന്ന ഗൃഹനാഥൻ മരിച്ചു. പെരുമ്പിലാവ് പാതാക്കര സ്വദേശി കമ്പിയിൽ 58 വയസ്സുള്ള മുരളിയാണ് മരിച്ചത്. 19-ാം തീയതി ഞായറാഴ്ച്ച രാത്രി എട്ടോടെ പ്രിയദർശിനി ബസ്റ്റോപ്പിന് സമീപമാണ് അപകടം നടന്നത്. പെരുമ്പിലാവ് ഭാഗത്തുനിന്ന് വന്നിരുന്ന കാറാണ് മുരളിയെ ഇടിച്ചത്. പരുക്കേറ്റ മുരളിയെ ആദ്യം പെരുമ്പിലാവ് അൻസാർ ആശുപത്രിയിൽ പ്രവേശിപ്പിച്ചുവെങ്കിലും പരുക്ക് ഗുരുതരമായതിനെ തുടർന്ന് തൃശ്ശൂർ മെഡിക്കൽ കോളേജ് ആശുപത്രിയിലേക്ക് മാറ്റുകയായിരുന്നു.
ചികിത്സയിലിരിക്കെ ചൊവ്വാഴ്ച വൈകിട്ട് 6 മണിയോടെയാണ് മരണം സംഭവിച്ചത്. സംസ്ക്കാരം ബുധനാഴ്ച വൈകിട്ട് മൂന്നുമണിക്ക് ചെറുതുരുത്തിയിൽ നടക്കും. സരസ്വതി ഭാര്യയും ആതിര, അഞ്ജു, അഖിൽ എന്നിവർ മക്കളുമാണ്.
