കുന്നംകുളം മുൻ എം എൽ എ . ബാബു എം പാലിശ്ശേരി അന്തരിച്ചു.കടുത്ത ശ്വാസതടസ്സം അനുഭവപ്പെട്ടതിനെ തുടർന്ന് ഞായറാഴ്ചയാണ് യൂണിറ്റി ആശുപത്രിയിൽ പ്രവേശിപ്പിച്ചത്. 67 വയസ്സാണ് പ്രായം. ഞരബുകളെ ബാധിച്ച പാർക്കിസൺസ് അസുഖത്തെ തുടർന്ന് ചികിൽസയിലായിരുന്നു ഇതിനിടെയാണ് കഴിഞ്ഞ ദിവസം രോഗം മൂർച്ഛിച്ചത്. 2006 / 2011 എന്നീ രണ്ട് തവണ കുന്നംകുളത്ത് ഇടതുപക്ഷത്തിൻ്റെ MLA ആയിജനങ്ങളുടെ നന്മയെന്ന ലക്ഷ്യം മുന്നിൽകണ്ടാണ് ബാബു എം. പാലിശേരി തന്റെ രാഷ്ട്രീയയാത്ര ആരംഭിച്ചത്. ജനപ്രതിനിധി പ്രവർത്തനശേഷി, ഒപ്പം ഗ്രാമീണ ജീവിതത്തോട് ചേർന്ന മനസ്സ് കൊണ്ട് കുന്നംകുളത്തെ രാഷ്ട്രീയരംഗത്ത് ഒരു വ്യക്തിമുദ്ര പതിപ്പിച്ചു.കേരള നിയമസഭയിൽ അംഗമായിരിക്കുമ്പോൾ, കുന്നംകുളം മേഖലയുടെ വികസനത്തിനായി നിരവധി പദ്ധതികൾ ആവിഷ്കരിച്ചു. റോഡ് വികസനവും, സ്കൂളുകൾക്കും ആശുപത്രികൾക്കും ലഭിച്ച അടിസ്ഥാന സൗകര്യവികസനവും, കൃഷി മേഖലയ്ക്ക് നൽകിയ പ്രോത്സാഹനവുമെല്ലാം അദ്ദേഹത്തിന്റെ പ്രവർത്തനത്തിന്റെ തെളിവുകളാണ്.അധ്യക്ഷ പീഠത്തിൽ നിന്നേക്കാൾ എനിക്കിഷ്ടം ജനങ്ങളോടൊപ്പം നിൽക്കുകയാണ് എന്നായിരുന്നു അദ്ദേഹത്തിന്റെ പതിവ് വാക്ക്. സാധാരണക്കാരന്റെ വേദന മനസ്സിലാക്കി പ്രവർത്തിക്കാനാണ് ബാബു എം. പാലിശേരി എന്നും ശ്രമിച്ചത്. അതുകൊണ്ടാണ് ജനങ്ങൾ ഇന്നും അദ്ദേഹത്തെ സ്നേഹത്തോടെ ഓർക്കുന്നത്.രാഷ്ട്രീയ ജീവിതത്തേക്കാൾ അപ്പുറം, ബാബു എം. പാലിശേരി സമൂഹസേവന രംഗത്തും സജീവമായിരുന്നു. രോഗികൾക്ക് ചികിത്സാ സഹായം നൽകുന്നതുവരെ, അദ്ദേഹത്തിന്റെ സാന്നിധ്യം നിരവധി മനുഷ്യരുടെ ജീവിതത്തിൽ പ്രതീക്ഷയായി മാറിയിരുന്നു.കുന്നംകുളത്തിന്റെ മണ്ണിൽ നിന്നുയർന്ന നേതാവ് സി.പി.ഐ.(എം) ജില്ലാ സെക്രട്ടറിയറ്റംഗം , സി.പി.ഐ.(എം) കുന്നംകുളം ഏരിയ സെക്രട്ടറി, ലൈബ്രറി കൌൺസിൽ തൃശ്ശൂർ ജില്ലാ പ്രസിഡന്റ്,ഡി.വൈ.എഫ്.ഐ. തൃശൂർ ജില്ല സെക്രട്ടറി,ഡി.വൈ.എഫ്.ഐ.യുടെ സംസ്ഥാന വൈസ്പ്രസിഡന്റ് എന്നീ നിലകളിൽ പ്രവർത്തിച്ചു.അധ്യാപിക സി.എം ഇന്ദിരയാണ് സഹ ധർമ്മിണി
