തുടർച്ചയായി മൂന്നാം തവണയും ഒന്നാം സ്ഥാനം കരസ്ഥമാക്കി.
732 പോയിന്റ് നേടി പി.സി.എൻ.ജി എച്ച്.എസ്.എസ് മൂക്കുതല , 614 പോയിന്റ് നേടി ജി.എച്ച്.എസ്.എസ് എടപ്പാൾ എന്നിവർ യഥാക്രമം രണ്ടും മൂന്നും സ്ഥാനങ്ങൾ നേടി.
ശാസ്ത്രമേള, ഗണിതശാസ്ത്രമേള, സാമൂഹ്യശാസ്ത്രമേള, പ്രവർത്തിപരിചയമേള, ഐ.ടി മേള തുടങ്ങി വിവിധ വിഭാഗങ്ങളിൽ നിന്ന് 165 വിദ്യാർത്ഥികളാണ് മോഡേൺ സ്കൂളിനുവേണ്ടി മത്സരിച്ചത്. 167 ഇനങ്ങളിൽ 137 എണ്ണത്തിൽ എ ഗ്രേഡ് കരസ്ഥമാക്കിയാണ് വിദ്യാർത്ഥികൾ വലിയ നേട്ടം സ്വന്തമാക്കിയത്.
കുട്ടികളിൽ ശാസ്ത്രാഭിരുചി വളർത്തുന്നതിനായി സ്കൂളിൽ നടപ്പാക്കിയ ചിട്ടയായ പ്രവർത്തനങ്ങളുടെയും അധ്യാപകരുടെയും രക്ഷിതാക്കളുടെയും നിസ്സീമമായ പിന്തുണയുടെയും ഫലമായാണ് ഈ വിജയം എന്ന് സ്കൂൾ ചെയർമാൻ ഡോ. സി.പി. അലി ബാവഹാജി പറഞ്ഞു.
ശാസ്ത്രമേളയിലെ മിന്നും താരങ്ങളെയും അവരെ പരിശീലിപ്പിച്ച അധ്യാപകരെയും അദ്ദേഹം അഭിനന്ദിച്ചു.
