ഗുരുവായൂർ: ഗുരുവായൂർ ക്ഷേത്രം ഇടത്തരികത്ത് കാവിൽ ശ്രീ ഭഗവതിക്ക് താലപ്പൊലി സംഘം വക താലപ്പൊലി നടക്കുന്ന ജനുവരി 5 തിങ്കളാഴ്ചയും ദേവസ്വം വക താലപ്പൊലി നടക്കുന്ന ഫെബ്രുവരി 6 വെള്ളിയാഴ്ചയും ഉച്ചയ്ക്ക് പുറത്തേക്ക് എഴുന്നള്ളിപ്പ് ഉള്ളതിനാൽ ക്ഷേത്രം നട രാവിലെ 11.30ന് അടയ്ക്കും. ഈ ദിവസങ്ങളിൽ പകൽ 11.30ന് ശേഷം ക്ഷേത്രത്തിൽ ദർശന സൗകര്യം ഉണ്ടാകില്ല. വിവാഹം, ചോറൂൺ, തുലാഭാരം, മറ്റുവഴിപാടുകൾ എന്നിവയും പകൽ 11.30 ന് ശേഷം നടത്താൻ കഴിയില്ല. ക്ഷേത്രാചാര ചടങ്ങുകൾക്ക് ശേഷം വൈകീട്ട് പതിവ് പോലെ ക്ഷേത്ര ദർശന സൗകര്യം തുടരും.
