ഗുരുവായൂർ പോലീസ് സ്റ്റേഷൻ സർക്കിൾ ഇൻസ്പെക്ടർ കെ.ജി.ജയപ്രദീപ്, കേരള പ്രകൃതി സംരക്ഷണ സംഘം സംസ്ഥാന കോ-ഓർഡിനേറ്റർ എൻ.ഷാജി തോമസ്, കുന്നംകുളം ഏരിയ സെക്രട്ടറി അഷ്റഫ് ആൽത്തറ തുടങ്ങിയവർ ചടങ്ങിന് നേതൃത്വം നൽകി.
പദ്ധതിയുടെ ഭാഗമായി ലഹരിവിരുദ്ധ ബോധവത്കരണ ക്വിസ് മത്സരം, ഓർമ്മമരം നടൽ തുടങ്ങി വിവിധ പ്രവർത്തനങ്ങളും സംഘം സംഘടിപ്പിച്ചുവരുന്നു. ജൂൺ 26-ന് അന്താരാഷ്ട്ര ലഹരിവിരുദ്ധ ദിനത്തിൽ ആരംഭിച്ച പദ്ധതിയുടെ സമാപനം കേരളപ്പിറവി ദിനമായ നവംബർ ഒന്നിന് നടക്കും.
ലഹരിമുക്ത സമൂഹം കെട്ടിപ്പടുക്കുന്നതിനും യുവതലമുറയെ ലഹരിയുടെ കെണിയിൽനിന്ന് സംരക്ഷിക്കുന്നതിനും ലക്ഷ്യമിട്ടുള്ള ബോധവത്കരണ പ്രവർത്തനങ്ങളാണ് പദ്ധതിയിലൂടെ സംഘം നടപ്പിലാക്കുന്നത്.
